阿木台灣麵 (豉油街) (已搬遷) 新店位置

呢間台灣餐廳我真係由細食到大，一如既往咁抵食，以前會特登嚟旺角食！今次食咗我最愛嘅蕃茄牛肉麵，牛肉林之餘麵仲好彈牙，湯底仲好香。另外仲叫咗蛋餅，芝士肉鬆蛋餅係不敗嘅選擇！另外食台灣菜點少得台式飲品，我就鍾意飲佢嘅芝士奶蓋四季春，鹹甜衝擊好夾之餘，飲落口仲好舒服，而朋友就飲咗百香果茶，唔會好似出邊咁一味死甜，齒頰留香。嘢食嘢飲都正，位置仲好方便，旺角東一落橋就到。下次會想再試多啲小食，門口仲有唔少台灣手信賣添，唔使去台灣都食到正宗台式嘢🤓