隨變火鍋

營業中

休息中

喺銅鑼灣同個fd睇完戲，上網搵吓附近邊度有得打邊爐，最後就嚟咗呢度食火鍋啦。隨變火鍋，我估應該係講緊有得食雞煲，串燒同埋打邊爐，但我同我個fd主要諗住打邊爐為主，所以就一黎叫左個蕃茄湯底。我哋仲嗌左唔同嘅嘢食，啲食材都幾新鮮，睇吓啲相就知道。日本廣島蠔個人本身鍾意食蠔，所以叫咗四隻，同個fd一人兩隻。四隻蠔都唔細隻，都幾靚仔。滾完縮水就預咗㗎啦，最緊要食落去食到蠔嘅肥肉。頂級手切牛頸脊(小)小份黎講，份量都算唔錯。脂肪比例唔會過肥。同埋從肉嘅摺行睇得出係牛頸脊。食落口都好有牛味。鮮爽黃喉黃喉即係牛心管，唔係度度火鍋店都有得叫，內地嘅話通常都會有，香港真係甚少。呢度黃喉嘅份量都算幾多，咬落去，真係幾爽口，幾特別。黑松露蝦丸手打墨魚丸旁邊就係黑松露蝦丸。兩款都係手打，放落火鍋嗰陣時要小心啲，否則外型就會有所影響。黑松露份量剛好，唔會太重味，如果唔係我淨食黑松露都得。由相片睇得出，丸面較白就係蝦肉，所以蝦肉都唔少架。總結：下次黎先再食雞煲同串燒，感受一下隨變嘅感覺。