醉辣鮮 (新田購物城) (已搬遷) 新店位置

第一次嚟到新田購物城，有好多唔同既食肆，今次就被呢間醉。辣。鮮吸引咗，一入到店面就見到幾缸生猛既游水海鮮，今次揀咗每位$268既海鮮套餐，裡面已經包左十款唔同既海鮮，另外仲有任夾既蔬菜，睇落好豐富食海鮮前店員為我地送上老火湯，見到入面有大大隻雞腳，入口清甜冇味精，再加上一隻溫泉蛋，蛋味香濃，之後店員幫我地準備鍋底，將一碗南瓜芋頭粒同珍珠米倒入鍋，上面放上蒸隔，放上蟲草花蒸雞，蒸雞肉質嫩滑，用花雕醃過既雞夠入味😋餐廳好貼心，係餐枱上貼咗烹煮各種海鮮既最佳時間，可以根據上面既時間係蒸氣火鍋度選擇返岩既模式同時間，操作簡單終於店員端上最令我期待既海鮮盆，裡面有十款吾同既海鮮，可以每樣海鮮都試到真係好滿足，所有既海鮮都新鮮鮮甜，其中個人覺得值得推介既係大蜆同龍蝦，非常鮮甜厚肉，再加埋自己調配既醬料，更加滋味蒸海鮮既時候加埋唔同既蔬菜，成餐食落都覺得好鮮，吾會有油膩感食完海鮮仲未完，最後梗係要試吓蒸左咁多海鮮之後既精華粥底，好鮮甜好綿滑，感覺好滿足最後仲有迷你糯米糍做飯後甜品離開既時候見到有band係度準備演出，今次冇機會欣賞到，下次黎就岩時間就可以一邊聽歌一邊蒸海鮮，慢慢同朋友小酌一杯啦