食驗室 (D2 Place) (已結業)

今日去左D2 Place行市集，之後就響商場周圍行吓，見到一間外賣店好光猛, 又新穎,橫掂頭先唔夠飽，就買啲小食食吓。首先係墨西哥牛肉餡餅（$48）， 外層被煎得好脆口，有某些位置還有軟軟的口感， 內裏來着墨西哥風味的肉醬,帶着微微嘅辣味同酸瓜味，另外還有拉絲芝士同車打芝士令成個餅味道提升。飯卷主要有和風效應，韓風效應，風火黃金，泰國風情及兩種指定口味的味道選擇，我地選左兩款，韓風效應好惹味，有大量嘅泡菜，泡菜都被切得細細，好有心機，加上豚肉，生菜同麻油，豚肉醃得好入味，而且爽口，味道酸酸味味，好開胃，配料都算多, 非常豐富，見住佢即時卷的，保證新鮮！另外點左泰國風情，幾特別，有少少醋味， 雞肉粒一啲都唔鞋，仲有超爽口嘅紅椒絲，好有風味！食完好似去完兩個亞洲熱點咁！除咗飯卷同餡餅之外，仲有用珍珠米做的碗飯（丼飯），熱辣辣烤捲物，仲有漢堡包，下次再嚟D2 Place會試埋其他嘢款式！