非凡小廚 (已結業)

今晚同幾個朋友聚會，朋友推介去土瓜灣既「非凡小廚」食晚飯。餐廳係北帝街街口，交通算係方便，我係觀塘過黎，半個鐘就到啦。 入到餐廳，侍應姐姐好快就幫我地安排座位，呢度唔似其他餐廳，D位排到密密麻麻，坐得適服。 「非凡小廚」既餐牌都係街坊小菜，我地點左幾個各自鍾意既餸，然後吹左一陣水，D餸就黎啦。 乾煸四季豆四季豆夠乾身，唔會濕立立，微微辣，濃淡適中。配搭白飯係唔錯選擇。 魚肚粟米羹足料，唔會太稀，魚肚味道唔會太腥。 雞蓉粟米羹味道唔錯，其實細粒雞肉，食落都算滑身。 西湖牛肉羹入面有少少芫茜配搭，清清地，芫茜控可以試下。 大漠風沙雞皮脆肉嫩，就咁食都已經好好味，配搭南乳醬，別有一番風味。 金蒜蒸中蝦蝦夠爽口，粉絲索哂D精華，無得輸。 酥炸大腸大腸外脆內軟，最正係用新鮮菠蘿做配搭，停唔到口。 海棠豆腐好足料，豆腐好滑溜，搭埋D配料一齊撈飯唔錯。 非同凡響炸雪糕皮夠脆，作為晚飯甜品都唔錯。