南瀛水產

最鍾意食新鮮燒海鮮，真係超級滿足！海鮮又新鮮又好味。首先，我哋叫咗個螢光魷魚做前菜，味道鮮味。跟住就到重點海鮮盛合😍盛合入面有蠔、鮑魚、扇貝、蝦同蟹腳，每一樣都好新鮮，而且份量十足！店員會幫你燒，燒蠔肉肥美鮮甜，鮑魚彈牙，扇貝鮮甜，蝦同蟹腳都充滿鮮味，真係食到舔舔脷！然後我哋叫咗個蚧味噌甲羅燒。將蟹膏、蟹肉同味噌拌勻，再放喺蟹蓋入面燒，又幾好味！壽司方面我哋叫咗個南瀛卷。呢個卷物真係好足料，有海膽、甜蝦、吞拿魚蓉同三文魚籽，每一啖都充滿鮮味！最後，我哋叫咗個土佐豆腐，豆腐炸得外脆內軟，配上酸酸甜甜嘅土佐醋，非常開胃！