蝦蝦燒 (已結業)

荃灣大鴻輝一向都好多野食，今日就同朋友去左蝦蝦燒任燒任食！ 呢度出名大頭蝦，坐位隔離就係水缸可以捉新鮮游水大頭蝦燒！大頭蝦非常生猛，捉上黎要立即放入冰水整暈佢，否則蝦會係火爐上跳走！除左蝦之外，呢度既海鮮都好豐富，有扇貝元貝、蠔、魚、鮑魚、花甲，都好新鮮，再係自助區拎啲蒜蓉蔥花辣椒一齊燒，非常惹味！除咗海鮮之外，仲有好多肉類可以任拎任燒，豬牛雞羊都有，腸仔漢堡扒串燒都有，仲有蔬果菠蘿可以燒，最特別係有蒜蓉包，不過要控制下火候，蒜蓉包係非常之容易燒燶！自助區位置好多有啲熱食都唔錯，炸餃子、醉蝦同都辣酒東風螺肉都十分推介，另外飲品雪糕到時任飲任食的，燒烤完再再食埋雪糕真係非常滿足~~~