原隻南非乾鮑🥢
加拿大野生海虎蝦嘅蝦肉超爽甜，連豉油都唔需要點🦐
平時食開燒鰻魚多，蒸鰻魚真係少啲機會食到，韓國釜山野生鰻魚爽彈有嚼勁，肉質結實，口感一流，可以加啲豉油一齊食🐟
大西洋野生青口好有海水味，入口係純粹嘅海洋氣息，仲刻保留咗足絲以示新鮮！
蟶子完全冇沙，處理得好乾淨👌
蟹皇大元貝上面鋪咗自家製嘅蟹皇，令味道豐富啲，唔需要再點其他醬料～
菲律賓奄仔蟹嘅蟹膏甘香，最好食嘅係一梳梳嘅蟹肉，實肉又鮮甜，好食🦀
野生琵琶龍蝦都係食得出嘅新鮮，龍蝦肉質爽彈，鮮味十足😋
蒸完海鮮，啲精華全部流晒落個粥底度，侍應再加咗啲海鮮湯落去煲，份量十足🥣
埋單嘅時候送咗每人一個椰汁雪燕～
