船渦

營業中

休息中

之前已經黎過，每次想食海鮮都會諗起黎呢到，因為真係又新鮮，坐得又舒服！今次叫左內務總管套餐，唔使300蚊已經食到超豐富，仲要勁飽！前菜方面有刺身同炸雞，刺身帶子最出色，鮮味最重～海鮮方面，鮑魚十分出色，爽口彈牙，蒸既時間岩岩好，一啲都唔會硬～隻蟹亦都好鮮甜，蟹肉又多雪白，高質！帶子超大隻，咬落去啖啖肉，超級滿足！其他蜆貝類都唔會腥，而且帶淡淡海水味，食到停唔到口～～食完海鮮，仲帶蔬菜籃，樣樣都帶啲，亦都可以解下膩！之後就到肉類同手打丸。手打丸爽口彈牙！肥牛就略脂肪多左啲～ 但整體食材質素都好好！最後就係用魚湯加海鮮精華，食埋個面！湯底的確有一陣鮮甜味，超滿足！