蟹仙海鮮蒸氣鍋 (龍崗道)

營業中

休息中

大家都知道九龍城出名食泰國嘢，但係今次呢就黎呢度食蒸氣海鮮。最近大家都好注重衛生，見到呢度係食嘢之前，會用蒸氣消毒碗碟架。見到個專櫃海鮮套餐好似做緊優惠，所以就叫咗，總共都有10款海鮮好抵食。呢度服務好好，會有職員幫你蒸，唔驚自己蒸過龍。一開始就食左個越南大虎蝦，個蝦好彈牙。深海龍躉片嘅魚肉好滑! 最驚喜就係個龍蝦啦，入邊呢有好多膏，而且肉質好彈牙！啲職員仲好好同我哋介紹，原來呢啲龍蝦係野生，所以肉質特別好！之後呢仲有食咗啲膏蟹，睇相都見到有好多個膏！仲有成條魚咁樣去正，最後職員呢仲要淋上一啲蒸魚豉油，好滿足！去到最後呢就會食一啲蔬菜，例如生菜、粟米等等。跟住呢就會開始煮粥，個粥加晒海鮮嘅精華，真係好鮮甜。