胡爐 (已結業)

今晚朋友同我去了呢間店品嘗一下個鮮椰青雞煲，朋友之前在另一間店吃過話唔錯，所以今次都係點了這個朋友推介之湯底，點了後點員亦好快手上了個鍋，裡面還有差不多半隻雞嘅雞件，跟住就係好快手嘅炒兩炒，再加上酒後點火，勁呀個火衝上來，之後就加入整個新鮮嘅椰青水做湯，再加埋個香濃嘅椰子湯，焗一會，最先係品嘗了個頭啖湯，味道有香濃嘅椰香味道，而且重好鮮甜，當然跟住就係品嘗一下椰青雞煲內嘅雞啦，飲完湯食雞就啱啱好，雞肉嫩滑軟熟，味道帶點椰香，當然啦煲內重有有大量嘅椰絲一起滾，呢個選擇絕對正確！跟住當然要有肉啦，點了個手切牛頸脊$288，雖然係細但絕對夠吃，切得薄薄鋪滿了碟上，一放湯滾就差不多已經入得口，肉質軟熟嫩滑，入口即時容化！跟手進加多個汁芝士丸$88，呢個望似沒有什麼特別，似牛丸一粒就錯了，滾熟浮面食得時差點被佢盪到，煙韌彈牙嘅牛肉包住流心芝士同肉汁，只係咬一口啲肉汁都唧出來，芝士就當然一樣咁流出來！慢慢滾慢慢吃，真係一個愉快嘅晚上，遺忘了個醬料都唔錯，落了鍋底後店員就送上，生熟蒜就係必備之選！