南瀛水產

自從爆發左武肺炎之後就冇食過魚生 因為驚唔新鮮有菌😭今日難得出左bonus 於是唔理啦 點都食慰勞下自己辛苦工作😌聽朋友介紹尖沙咀有間餐廳專食新鮮日本水產 品質有保證 所以就去試試先～一入到餐廳就好似去左日本魚市場咁 仲聞到淡淡既海水味 應該D海鮮應該都幾新鮮！呢到既另一個特色就係有好多日本清酒飲 🍻 食魚生前 先食個香蒜牛舌暖一暖胃 入口即溶 好香蒜頭味～跟住朋友再食個安康魚肝 我就麻麻地依個 因為好重內臟味 唔怕腥嘅可以試吓雲丹蚧肉卷 勁新鮮 連平時好怕食海膽嘅我都食到 勁甜呀！原來新鮮嘅海膽係咁嘅味㗎🥳🥳軟殼蟹沙律 軟殼蟹都炸得幾鬆脆 沙律都新鮮嘅～正常菜式 ✨✨重點推介✨✨東瀛五點盛 全部刺身都勁新鮮清甜！可以算係喺香港食過最新鮮既魚生！清酒煮蜆 粒粒片都勁大粒飽滿 完全冇沙 甜到我連個湯都飲埋😋😋另一推薦 蚧味增甲羅燒 鵪鶉蛋同蟹膏撈埋 再放爐燒🥰🥰仲可以燒貴妃蚌 兩樣嘢都好好食呀！果然生猛嘅海鮮係唔同啲☺️☺️🦞🦞食咁多好嘢點可以唔飲番杯呢 頭先提過呢間餐廳有勁多清酒飲 可惜我同朋友都唔飲酒 於是就叫左杯烏龍茶cocktail 右邊青蘋果乳酸 兩杯都係誠意之作 大家都可以去飲吓