純寿司 (已搬遷) 新店位置

間唔中就會口痕想食壽司，而當中純就係我久唔久會想去食下既好味壽司店之一。純壽司係yoho mall 入面，對元朗人黎講一點都唔陌生。開業到宜家一直維持到食物質素。不過去食之前就最好係app到拎左飛先，因為成日都要等位架！室內坐位寬闊坐得舒服。必點佢既手卷，有吞拿魚蓉、海膽同三文魚子，鮮味十足，食完真係好滿足阿～ 另外佢既壽司都非常新鮮肥美，咁既價位咁既質素，收貨啦。帶子同三文魚都好厚肉，食落油香四溢，推薦。