38
13
4
港鐵元朗站 K 出口, 步行約1分鐘 繼續閱讀
電話號碼
24703600
營業時間
今日營業
11:30 - 22:00
星期一至日
11:30 - 22:00
付款方式
Visa Master AE 現金 銀聯
其他資料
酒精飲品
加一服務費
食評 (65)
食得好盡興 焦點食評
等級4 2017-09-15
1517 瀏覽
成個商場間間食肆都門可羅雀,唯獨呢間好多人等,7點幾拎飛後約8點就有位,上次8個人食都無機會自己揀想食嘅,今次得2個人,可以認真揀野食,用平板電腦落單更方便。首先黎嘅係軟殼蟹卷,好肚餓時食覺得好好味,出面係黑色嘅蟹籽,食完棚牙會黑哂。厚切三文魚,切開左一格格同有炸蒜喺面,好食。魚腩盛,唔大舊無咁漏,好味。豚骨湯餃子,有個爐仔坐熱,味道ok,湯底好濃。大盛親子軍艦,我唔食咁大粒嘅橙色野嘅,但男友人話好正。名物!等等蒸蛋,好味嘅,又有個爐坐住,入面唔係平時嘅魚蛋草菇,係新鮮蟹肉鰻魚。特大海鰻魚,唔好講笑,真係好長,無骨嘅,好味。白身三点盛,即係油甘魚,油甘魚腩同魚背,其中魚背幾特別,好味。海胆魚背兩味,我唔食海膽,男友人話呢隻海胆唔係平時嘅海膽,但講唔出係好味定唔好味。北海三点盛,即係海膽,三文魚子,葱粒呑拿魚腩,另外兩舊係螃蟹羔醬,梳,我真係覺得好核突,男友人話麻麻。雞翼餃子,無乜特別。千尋海老刺身,男友人話好味過甜蝦。最後獨食左碗迷你烏冬,好滿足。題外話,隔離枱坐左兩個港孩同佢地媽媽,兩個𡃁妹好大聲用英文傾計,類似celine tone但又唔係特別好聽,好騷擾,我地講緊嘅topic佢地聽到又跟住要用英文傾,好嘈好煩。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-05
107 瀏覽
其實來這裡已是第三次,本身應該可以黎多好多次,不過佢等位果下真係太耐,所以有好多次都放棄了⋯.今次食lunch 大約兩點, 見佢門口只有數人,便攞定飛,順便等埋友人,等了10分鐘便有了,二人共吃了$500+ 好飽 好滿足!.先來兩客手卷,因為平時食開千両手卷,頓覺呢間差少少⋯ 吞拿魚腩稍為冰左,同埋少左幾粒蔥花😝.中吞拿魚腩壽司 超正 入口融化的.味道都ok的 不過舊蛋有點散.友人想食啲熱野,見到呢個天婦羅蝦烏冬價錢都幾抵,食落都有水準!.再來就係戲肉啦!雖然我不是舊舊食哂,只吃了海老 海膽 油甘魚 三文魚但係每件都好鮮味呀!海膽的份量多到就黎跌落黎!.最後上的是厚切油甘魚 三文魚其實我都鐘意呢種大大件嘅又有鮮味的三文魚上面嘅蒜粒有少少硬⋯油甘魚加左柚子鹽 好好味呀! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-04
87 瀏覽
比起之前質素差左啦,仲要亂收費,昨晚無留意張單,今日睇番,no.19我叫左一客,但就收左兩客價錢,以後出街食野真係唔可以唔睇單呀!無啦啦比多四十幾蚊,大家小心D啦。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-06-25
148 瀏覽
今晚一行兩人,七點去到等左成個鐘先有位。但之前食過,性價比好高,刺身新鮮,決定再挑戰!第一碟:火炙三文魚白腩,魚腩肥美充滿住魚油香,壽司飯唔會太多醋又唔會一夾就散,岩岩好! 軟殼蟹龍之卷(6件),每粒都好精細唔會左甩右甩,頂頂既蟹籽好新鮮配合埋面層既鰻魚(入口即溶,唔會有腥味,好香鰻魚味)加埋裡面大大件岩岩炸好熱辣辣既軟殼蟹,一啖咬落去,多重口味,但又唔會唔夾,正!推介火炙三文魚刺身望落去好似好奇怪,但其實叫左都係魚子、三文魚刺身分開食,但咁叫會抵d 魚子一睇都知唔新鮮,一patpat,唔會一咬落去爆汁,麻麻地。三文魚又燒得唔夠,唔可以叫做火炙!天使蝦擺碟唔錯,有埋鹽同檸檬,但我就選擇咩都唔加,食蝦本身既味為主,食落新鮮既,口感有d似泰式生蝦。美中不足係蝦頭炸得唔夠,冇得食埋。 整體黎講刺身新鮮,壽司一份份上,唔會幾碟放埋一齊,仲有各自既伴碟,睇得出師傅非常用心!但建議用app拎定飛。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-06-11
252 瀏覽
一直都食開純依間壽司店,相比好多連鎖壽司店,佢都真係算性價高,平均三四百就食到,好食又飽,平時都係食晚餐多,不過近排鐘意埋午餐。百幾一個刺身餐,又有沙律,茶碗蒸,麵豉湯,刺身同飯,仲有前茶,都食到好飽,不過通常同女友食,都會叫多小小嘢食,因為我地都大食嘅,不過依到冇影到,但值得下午去食刺身套餐,係女友最愛。次次都會叫嘅卷物,鰻魚軟殼蟹!正依個真係性價比超高!三點盛,好飽滿嘅刺身,都係四十幾,夫復可求!茶漬飯,雖然唔大,但夠曬飽,三十幾,又好食!其實件件壽司都真係幾高質,認真比好多餐廳好很多,希望可以保持住! 繼續閱讀
(以上食評乃用戶個人意見 , 並不代表OpenRice之觀點。)