嵐山日本料理

營業中

休息中

平時行開街食飯當然有自己嘅心水選擇，這裡亦係一間個人喜歡選擇嘅日本料理，位置就腳，附近絕對係有不同美食選擇，但因這裡嘅價錢相對抵食！同朋友一齊，點了刺身三點，有香滑有濃郁魚味嘅沙甸魚，肉質帶點黏勁嘅赤小鯛，同埋用火炙後嘅喜之次，入口香滑軟熟！而壽司就點了火炙大拖來壽司，真係入口肥美只會在口中容化嘅感覺！另一件就係北海道帶子，超級大隻，入口新鮮甜美，真係啖啖肉！ 而炸物土佐豆腐亦處理得十分唔錯，外面香脆內裡十分香滑，加埋個汁味道更佳！爐端燒嘅串燒日本銀杏，燒得啱啱好外面香脆，咬開裡面仍然軟熟，串燒日本黑豚肉嘅肉質夠晒肥美，肉質相對較結實！最後就係最愛嘅鰻魚炒飯，大量鰻魚粒加埋香菇、蔥花、蛋絲一齊炒，飯身香滑煙韌彈牙，食完令人十分滿足！工作壓力頓然消失！