麵鮮醬油房周月 (歌賦街)

營業中

休息中

我係食晏時段去，一個人都要等4個字，不過為左一試，都要等架喇。門口玻璃窗會望到部製麵機，即刻加晒分呀！第一次食新鮮整嘅拉麵，非常之期待呀！第一次食就當然要食馳名嘅周月沾麵啦，有得揀濃/淡湯，冷/暖麵，100g/200g/300g麵底。起初我揀左濃湯，暖麵，100g。店員話100g只有一個拳頭大小，女仔通常食200g，如果食完100g唔夠就冇得免費追加。一個拳頭的確有d少，所以就揀左200g。等一陣個麵就黎左，碗汁有一粒粒嘅日式叉燒，應該係燒過黎，所以好香口又唔肥膩。d麵真係好彈牙，粗身麵亦都好易掛汁，仲有半隻有蛋味嘅溏心蛋。唯一要彈嘅係個汁有d咸，不過都仲係接受到嘅程度黎。