影片
更多
2019-06-10
870 瀏覽
趁假期又出九龍城搵食，本來去食泰國野點知望過對面見到有間食蒸氣海鮮，上openrice睇下評價唔錯就入黎試下!睇下menu就揀左個2人餐，$298一位有龍蝦有飽魚又有貴妃蚌，係黎自唔同地方既，點完餐店員就將D肉、米同南瓜倒入鍋底吸哂海鮮精華最後食!見到牆上貼住有自家製蛋黃炸魚皮忍唔住又叫左碟~跟住店員就逐樣幫我地落入蒸盤逐樣蒸，有自動計時器，夠鐘店員就走埋黎幫我地夾俾我地同幫我地再整~100分服侍周到!自家製蛋黃炸魚皮炸魚皮好香脆仲暖暖地!一D都唔油膩，食到一件接一件停唔到口，食到咸蛋黃味但又冇即食咸蛋黃魚皮咁咸~正!越南頂角膏蟹超生猛，係我地面前仲郁郁下，超級新鮮!未蒸熟之前已經見到隻蟹爆哂膏! 熟左之後黃色既軟膏好甘香好軟滑，橙色既膏就好似咸蛋黃質地，呈橙色好吸引份量超多!雖然係膏蟹但肉都唔會好少，連蟹腳D肉都俾我地了埋出黎，D肉仲一D都唔霉。澳洲青年龍蝦龍蝦肉好實淨，咁岩呢隻龍蝦媽媽有好多龍蝦籽，點D豉油同蒜蓉食好惹味。聽店員講話係老細親自揀貨，所以一定係健康活潑兼生猛。翡翠九孔鮑魚夠厚身，有咬口又唔韌，好有鮑魚鮮味，咩都唔駛點就咁食佢既原味已經好好食!日本大元貝、越南貴妃蚌兩款
睇下menu就揀左個2人餐，$298一位有龍蝦有飽魚又有貴妃蚌，係黎自唔同地方既，點完餐店員就將D肉、米同南瓜倒入鍋底吸哂海鮮精華最後食!見到牆上貼住有自家製蛋黃炸魚皮忍唔住又叫左碟~跟住店員就逐樣幫我地落入蒸盤逐樣蒸，有自動計時器，夠鐘店員就走埋黎幫我地夾俾我地同幫我地再整~100分服侍周到!
自家製蛋黃炸魚皮炸魚皮
好香脆仲暖暖地!一D都唔油膩，食到一件接一件停唔到口，食到咸蛋黃味但又冇即食咸蛋黃魚皮咁咸~正!
越南頂角膏蟹
超生猛，係我地面前仲郁郁下，超級新鮮!未蒸熟之前已經見到隻蟹爆哂膏! 熟左之後黃色既軟膏好甘香好軟滑，橙色既膏就好似咸蛋黃質地，呈橙色好吸引份量超多!雖然係膏蟹但肉都唔會好少，連蟹腳D肉都俾我地了埋出黎，D肉仲一D都唔霉。
澳洲青年龍蝦
龍蝦肉好實淨，咁岩呢隻龍蝦媽媽有好多龍蝦籽，點D豉油同蒜蓉食好惹味。
聽店員講話係老細親自揀貨，所以一定係健康活潑兼生猛。
翡翠九孔鮑魚
夠厚身，有咬口又唔韌，好有鮑魚鮮味，咩都唔駛點就咁食佢既原味已經好好食!
日本大元貝、越南貴妃蚌
兩款都算大隻，冇沙又夠鮮甜味，唔錯!
泰國海中蝦
好彈牙，同樣D肉夠實淨唔會霉
深海龍躉片
龍躉片一D都冇魚腥味，不過一片唔夠喉，份量多D就好!
韓國慶南蠔
本身個餐係跟青口但青口賣哂所以轉左蠔俾我地~感覺賺左呢~XD蠔肉好飽滿夠哂大隻，鮮味十足
有機蔬菜籃
食完海鮮仲有D菜食下幾正，用蒸既方式原汁原味之餘又唔會流失營養。
最後就係全晚精華所在~南瓜粥底吸收哂海鮮既精華，又綿又鮮味~
雖然呢個餐既海鮮每樣都係一件，但估唔到咁樣食法食到個粥既時候原來會好飽，點知食完個粥仲有糖水送，係木瓜燕窩~甜甜地又滋潤!好滿足~其實真係唔駛怕食完唔夠飽!
張貼
