磯幸 (已結業)

第一次寫食評，見新開餐廳，想支持下初黎嘗試，環境好好，裝修新淨，座位闊落。不過可能餐廳新開，禮拜四晚冇乜人，同屋企人食包全場生蠔好鮮甜，個人比較鍾意秋刀魚刺身，口感味道都非常好響螺刺身就比較爽口。之後重點係燒海鮮，我地order左燒蟶子（第一次試，食開豉椒炒，燒又幾爽甜喎）、燒龍蝦（肉質好好）、燒蟹蓋（同薯片一齊食）、燒青口（好有海味，但個人不太喜好）、燒魚（店員推介，唔記得係咩魚添，又係好鮮甜），感覺選材都幾好又新鮮。之後店員再推介左日本粟米，話就咁食好甜，燒會浪費，我以為係篜，點知係生食，但真係好甜，先知自己見識少，原來生食都可以咁好食🤣最後我地叫左碗麵share暖肚收尾～下次會再捧場！