Mimila (已結業)

作為沙田人，新城市最近開左一連寸嘅餐廳，當然要試下啦。位於新城市一期七樓嘅Mimila，主打馬來西亞菜，食物以湯麵為主，除此之外，都有少量小食。我地一行兩人，叫左兩個麵同埋兩款小食。馬來辣蝦湯麵馬來辣蝦湯麵係呢度嘅招牌菜，又點可以唔叫呢？ 呢款湯麵有手切海蝦，芽菜同通菜，而麵方面可以揀米粉，油麵，濛粉，銀針粉，同埋摻摻，亦即係米粉油麵雙拼。由於本人鍾意食餸多過澱粉質，所以都加左花枝墨魚丸。湯底唔算好辣，帶輕輕嘅蝦湯味，非常香，令人一口一口咁飲停唔到。配料方面，手切海蝦好鮮甜，花枝墨魚丸亦都非常彈牙，配埋個湯底，味道非常之夾。香菇肉脞湯麵既然叫左個味道濃嘅麵，第二個麵我地揀左味道較清嘅香菇肉脞湯麵，配料有西班牙白毛豬肉碎、豬肉丸、香菇、芽菜和通菜，我地都另外加左青菜。如我地所料，呢個湯的而且確係比較清甜。湯係以鮮雞同豬骨等等嘅配料熬成，肉碎來自西班牙白毛豬，加埋香菇，豬肉丸，魚片等等嘅配料，整體配搭唔錯。白胡椒肉骨 湯底味道非常香濃，有好重嘅胡椒味，肉骨放入湯度熬左好耐，夠淋又入味，非常好味，值得推介。沙嗲魷魚翼平時咖喱魷魚吃得多，但係沙嗲魷魚翼就唔係咁多機會食，魷魚翼其實係魷魚用黎游水