影片
更多
2018-12-13
1075 瀏覽
今次呢間浜燒因為好新開，冇乜人知道，所以上到去坐得好舒服，一啲都唔嘈吵，可以慢慢同朋友傾吓計。門口有一幅特色牆上面寫晒每一種魚名，睇真啲都唔係每一隻都食。南瀛卷$258一上枱嗰陣試吓差啲嚇親，啲餸多到好似山泥傾瀉咁，或者其實佢就係想營造到呢個效果，卷入面嘅係蟹肉，再隨意配上出面嘅吞拿魚魚腩蓉，海膽，或者三文魚子，三文魚子甘甜鹹鮮，海膽就有佢獨特嘅香味，吞拿魚魚腩蓉食落就夠晒滑夠晒油香，係三種唔同嘅享受，另外中間隻甜蝦單獨食，新鮮得來質感creamy。甲羅燒$68甲羅燒幾乎係每一間浜燒都會有嘅菜式，其實只係講求材料新鮮，間間都差唔多，但係我就覺得呢度用多咗蟹子，蟹子燒完之後博博趣，增加左甲羅燒本來林啤啤嘅口感。香蒜牛舌$78呢個真係我近幾年食過最好食嘅牛舌，通常講得香蒜牛舌，出面整到嘅都係差唔多，最緊要厚切，冇蘇味，呢度除咗呢兩樣野都做到之外，出面用咗炸蒜呢個配搭，令到成個質感都唔同晒，最奇特啲炸蒜係好似黐住喺個牛舌上面咁，香口得來竟然食到好似外脆內軟咁，呢個食法非常有新意，而且個味道好夾，真係我近幾年食過最好食嘅。燒小鯛$328如果冇叫呢碟餸應該會平少少，但係師傅大力推介，咁就試吓啦，
門口有一幅特色牆上面寫晒每一種魚名，睇真啲都唔係每一隻都食。南瀛卷$258
一上枱嗰陣試吓差啲嚇親，啲餸多到好似山泥傾瀉咁，或者其實佢就係想營造到呢個效果，卷入面嘅係蟹肉，再隨意配上出面嘅吞拿魚魚腩蓉，海膽，或者三文魚子，三文魚子甘甜鹹鮮，海膽就有佢獨特嘅香味，吞拿魚魚腩蓉食落就夠晒滑夠晒油香，係三種唔同嘅享受，另外中間隻甜蝦單獨食，新鮮得來質感creamy。
甲羅燒$68
甲羅燒幾乎係每一間浜燒都會有嘅菜式，其實只係講求材料新鮮，間間都差唔多，但係我就覺得呢度用多咗蟹子，蟹子燒完之後博博趣，增加左甲羅燒本來林啤啤嘅口感。
香蒜牛舌$78
呢個真係我近幾年食過最好食嘅牛舌，通常講得香蒜牛舌，出面整到嘅都係差唔多，最緊要厚切，冇蘇味，呢度除咗呢兩樣野都做到之外，出面用咗炸蒜呢個配搭，令到成個質感都唔同晒，最奇特啲炸蒜係好似黐住喺個牛舌上面咁，香口得來竟然食到好似外脆內軟咁，呢個食法非常有新意，而且個味道好夾，真係我近幾年食過最好食嘅。
燒小鯛$328
如果冇叫呢碟餸應該會平少少，但係師傅大力推介，咁就試吓啦，新鮮嘅小鯛魚魚生就食得多，原條燒真係好少，估唔到啲魚肉燒完係咁滑咁細緻，同食魚生一樣，需要選擇去調起個鮮味。
活貝盛合$388
呢一個活貝盛合浜燒店來講都算超值啦，又有扇貝，鮑魚，生蠔，仲要有啲大蜆，啲鮑魚仲新鮮到中途跑咗出嚟添，用咗原汁原味去燒，冇特別加啲咩醬料，食得出材料好新鮮，大蜆一啲沙都冇，咬落去中間係甜既，帶有少少酒香味，鮑魚燒到好乾身，咬落去煙煙韌韌，口感十足，刪號嘅火候搞得啱啱好，熟得來又唔會老，咬到個心熱辣辣，蠔汁必晒出嚟，扇貝就略嫌多咗少少水，似係煮多個似係燒。
兩個人一人叫左杯嘢飲，買單千四蚊，每人大概$700左右，浜燒來講幾抵食。張貼
