影片
更多
2022-01-27
79 瀏覽
天后不嬲出名多好野食，平時夜晚都好旺架，而家冇左晚市靜左好多，好耐冇黎呢頭，今日發現呢間新開嘅居酒屋，試試佢先🤩一出電梯就係餐廳門口，入面有個開放式嘅bar檯，師傳會喺度預備客人嘅order，可以一路食一路欣賞師傅嘅廚藝☺️午市有套餐，包湯、沙律、茶碗蒸，最後重可以揀咖啡或者甜品，呢個價錢包咁多樣野真係超值呀！！*茶碗蒸*入面非常足料，平時出面食嘅茶碗蒸好多都係得粒蟹柳或者魚蛋，呢度竟然有瑤柱、雞肉、冬菇、白果，茶碗蒸個面重有醬汁，食落都幾夾，蛋超級嫩滑，蒸得剛剛好，個茶碗重好靚好得意，加埋個圓形蓋成粒蛋咁，估唔到作為前菜嘅茶碗蒸都咁用心整👍🏻*秋葵沙律配蕃茄黑椒汁*雖然看似普通嘅沙律，但加左秋葵同一個特製嘅蕃茄黑椒汁，食落冇咁草清味*二重定食 $188*四款主菜入面揀兩款再配日本珍珠米飯，豬牛雞魚樣樣齊，我地揀左蒲燒鰻魚同極黑牛小排，感覺呢兩樣最抵食，鰻魚肉質肥美，帶有微微燒汁燒焦嘅香味，牛小排嫩口多汁，面頭重有牛油，食落牛味都重*滑蛋豬扒飯 $108*平時喺日式餐廳食一個滑蛋豬扒飯都差唔多呢個價錢，呢度包咁多樣野，以為主菜份量會少d啦，點知錯了🤣吉列豬扒熱辣辣，大大碗配上滑蛋洋蔥冬菇
一出電梯就係餐廳門口，入面有個開放式嘅bar檯，師傳會喺度預備客人嘅order，可以一路食一路欣賞師傅嘅廚藝☺️
午市有套餐，包湯、沙律、茶碗蒸，最後重可以揀咖啡或者甜品，呢個價錢包咁多樣野真係超值呀！！
*茶碗蒸*
入面非常足料，平時出面食嘅茶碗蒸好多都係得粒蟹柳或者魚蛋，呢度竟然有瑤柱、雞肉、冬菇、白果，茶碗蒸個面重有醬汁，食落都幾夾，蛋超級嫩滑，蒸得剛剛好，個茶碗重好靚好得意，加埋個圓形蓋成粒蛋咁，估唔到作為前菜嘅茶碗蒸都咁用心整👍🏻
*秋葵沙律配蕃茄黑椒汁*
雖然看似普通嘅沙律，但加左秋葵同一個特製嘅蕃茄黑椒汁，食落冇咁草清味
*二重定食 $188*
四款主菜入面揀兩款再配日本珍珠米飯，豬牛雞魚樣樣齊，我地揀左蒲燒鰻魚同極黑牛小排，感覺呢兩樣最抵食，鰻魚肉質肥美，帶有微微燒汁燒焦嘅香味，牛小排嫩口多汁，面頭重有牛油，食落牛味都重
*滑蛋豬扒飯 $108*
平時喺日式餐廳食一個滑蛋豬扒飯都差唔多呢個價錢，呢度包咁多樣野，以為主菜份量會少d啦，點知錯了🤣吉列豬扒熱辣辣，大大碗配上滑蛋洋蔥冬菇，非常入味
*豚肉露筍 $48*
豚肉包住露筍黎燒，感覺冇咁肥膩，露筍新鮮，食落爽甜
*芝士年糕 $28*
輕烤過嘅日式芝士年糕，表面微濃，裡面是流心芝士，食落軟綿綿，口感不錯
*黑豚$38*
呢款係炸串，食落味道比較濃但唔算油膩，淨係加上鹽同黑椒黎炮製已經好好食😋
*炸蛋 $28*
外層炸皮加入左櫻花蝦，多左份額外又自然嘅咸香，入面嘅溏心蛋剛剛好，蛋黃係偏深色嘅日本靚蛋，食落味道濃
食完就到揀咖啡☕️定甜品🍧嘅時間喇，本來食到勁飽嘅我地打算飲杯咖啡消滯，點知一聽到甜品係🍨雪糕🍨我地又抗拒唔到喇🤣
最後事實都證明左我地冇揀錯👏🏻雪糕有兩隻味揀，紅豆或者豆腐，我地當然要試哂兩款，紅豆味唔會一味死甜，淡淡紅豆味加上紅豆粒，比想像中好食，豆腐味就同平時喺其他地方食嘅水準差唔多，似係低糖豆漿嘅味道咁，隻雪糕杯都好靚好櫻花粉紅，連雪糕匙羹都係食雪糕專用嘅鋁質匙羹，非常貼心要讚呀👍🏻
呢間居酒居雖然新開無耐，但睇到連細微嘅野佢地都非常用心，就連伴碟嘅日式漬物青瓜都盡顯師傳嘅刀夫，呢間居酒屋當然可以下次再見啦❣️❣️
張貼
