鏞記酒家

營業中

休息中

睇新聞知道最近鏞記裝修完，諗住咁多年老字號都未試過就襯放假去試下啦，食完發覺真係幾唔錯同大家分享下。門面大大個金漆招牌都幾震撼下，老字號係有資格咁樣做。入到去都好靚，成個感覺會令人覺得高貴大氣得嚟又唔會太浮誇，真係未食就已經feel到係有啲料到。坐低之後叫咗個原隻花膠扒豆苗試下啲水準，花膠煮到好腍又膠質豐富，淨係個口感已經好突出，而且夠厚身可以鎖住啲汁，入曬味咁真係好好食，另外配埋啲豆苗口感又多層次咗，真心正。仲試咗幾道嘢可惜唔記得影底，不過味道都係相當唔錯，最後埋單差唔多2000蚊，係有啲貴不過真係對得住個價。