影片
更多
2022-06-04
32 瀏覽
之前有朋友介紹話天文臺道有間串燒鋪幾隱蔽嘅，今日一於試下。去到外面真係幾神奇，完全唔知道有間咁嘅嘢存在，好似另一個小天地咁樣，一行上去見到灰色嘅裝修，地方闊落。枱上面有清酒菜單同埋菜單選擇，我哋叫咗一支細嘅300ml $338自然酒試吓 :仁井田 生酛純米原酒。入口甘甜而且好滑，適合一班女仔一齊飲。我哋諗住叫嘢之前， 待應哥哥就同我哋講佢哋逢星期一同星期二都會送每人一隻生蠔，正！上到枱嘅時候，成隻手咁大，而且亦都好新鮮，物超所值。要留意嘅係，如果餐牌冇特別註明，每樣串燒都要兩串以上咁叫嘅。荔枝豬肉卷$32@: 每次去串燒舖，都要嗌呢隻，好鍾意荔枝同豬肉嗰種協調，鹹鹹地再加荔枝嘅甜味，真係好食！葱豬腩肉$32@: 葱段好甜，入面好juicy，豬腩肉半肥半瘦啱啱好，好鍾意佢燒起上嚟嘅少少炭香味，唔使加任何調味。自家製免治雞肉軟骨$48@: 正正常常，唔會太細條。厚切牛脷$88@: 真係厚切嘅，而且每串有三舊，唔會偷工減料，食落去有少少脆面，唔會燒得過火。南非鮑魚$88@: 唔會燒到過乾，上菜嘅時候當然已經去除咗內臟，同埋切咗一片片，只係上面加咗少少鹽，其實唔使點任何嘢，有鮮味搭救。三文魚燒
去到外面真係幾神奇，完全唔知道有間咁嘅嘢存在，好似另一個小天地咁樣，一行上去見到灰色嘅裝修，地方闊落。枱上面有清酒菜單同埋菜單選擇，我哋叫咗一支細嘅300ml $338自然酒試吓 :仁井田 生酛純米原酒。入口甘甜而且好滑，適合一班女仔一齊飲。
我哋諗住叫嘢之前， 待應哥哥就同我哋講佢哋逢星期一同星期二都會送每人一隻生蠔，正！
上到枱嘅時候，成隻手咁大，而且亦都好新鮮，物超所值。要留意嘅係，如果餐牌冇特別註明，每樣串燒都要兩串以上咁叫嘅。
荔枝豬肉卷$32@: 每次去串燒舖，都要嗌呢隻，好鍾意荔枝同豬肉嗰種協調，鹹鹹地再加荔枝嘅甜味，真係好食！
葱豬腩肉$32@: 葱段好甜，入面好juicy，豬腩肉半肥半瘦啱啱好，好鍾意佢燒起上嚟嘅少少炭香味，唔使加任何調味。
自家製免治雞肉軟骨$48@: 正正常常，唔會太細條。
厚切牛脷$88@: 真係厚切嘅，而且每串有三舊，唔會偷工減料，食落去有少少脆面，唔會燒得過火。
南非鮑魚$88@: 唔會燒到過乾，上菜嘅時候當然已經去除咗內臟，同埋切咗一片片，只係上面加咗少少鹽，其實唔使點任何嘢，有鮮味搭救。
三文魚燒飯團$42@/ 燒飯團$38@: 正正常常，個人覺得有啲三文魚好食過普通嘅燒飯團。鐘意食煲仔飯飲焦就啱哂。
粟米$38@: 繼牛脷之後，最鐘意就係呢個粟米啦，好似以前細個食KFC嗰隻size。上面只係加咗少少鹽燒，但係粟米好甜好甜，一定要嗌！
日本大葱$28::每吋有五條葱段，雖然本身大少少甜，但係呢個都要點少少汁先吊得到個味出嚟。但係都有可能係因為之前識咗唔同味道嘅嘢，未清味蕾。如果係第一道上嘅可能會比較到本身嘅甜。
白鱔$75:脆卜卜啖啖肉，呢個都值得推介！
張貼
