影片
更多
2018-10-24
1086 瀏覽
自從住處附近的康怡廣場南座 AEON STYLE 翻新後，時不時都會有食肆進駐。上星期趁周三特價日，喺場內行咗一轉，發現原來美食廣場入面開咗間新嘅拉麵店。兩口子向來都愛吃拉麵，見這晚小鬼不回家吃飯，就一於拉埋老公過嚟嘗新。間麵店基本上只有吧檯位，不過如果滿座的話，亦可以坐喺對面 food court 嘅座位。向店員拿了餐牌，逐一細看，拉麵口味很簡單，只有四款，分別為白豚骨拉麵、黑豚骨拉麵、赤豚骨拉麵、豚骨味噌拉麵同一款豚骨魚介沾麵。另外客人亦可以將拉麵轉為套餐，只需加 $22，就會包一客細叉燒丼或餃子 3 隻及汽水一罐。就簡簡單單每人一個套餐。我揀咗白(特)豚骨拉麵，而老公就揀咗黑(特)豚骨拉麵。兩客餃子率先送上，餃子外皮完整，厚薄適中，餡料菜量多，質感略帶爽，水準不俗。接著輪到吃拉麵，先試下呢款白(特)豚骨拉麵 ($85)，拉麵嘅配料有紫菜3片、木耳絲、蔥花、半熟玉子1隻同叉燒 3 塊。湯底用豬骨熬煮，無加味精，色澤呈奶白，味道比預期清淡，唔算很濃稠，但飲落非常順喉。麵條雪白，咬落爽滑有勁，沒有坊間拉麵常見的鹼水味。檯上有調味料，可以用來佐拉麵吃。叉燒唔算好很厚身，但非常軟熟，肉質頗
自從住處附近的康怡廣場南座 AEON STYLE 翻新後，時不時都會有食肆進駐。上星期趁周三特價日，喺場內行咗一轉，發現原來美食廣場入面開咗間新嘅拉麵店。兩口子向來都愛吃拉麵，見這晚小鬼不回家吃飯，就一於拉埋老公過嚟嘗新。
間麵店基本上只有吧檯位，不過如果滿座的話，亦可以坐喺對面 food court 嘅座位。向店員拿了餐牌，逐一細看，拉麵口味很簡單，只有四款，分別為白豚骨拉麵、黑豚骨拉麵、赤豚骨拉麵、豚骨味噌拉麵同一款豚骨魚介沾麵。另外客人亦可以將拉麵轉為套餐，只需加 $22，就會包一客細叉燒丼或餃子 3 隻及汽水一罐。
就簡簡單單每人一個套餐。我揀咗白(特)豚骨拉麵，而老公就揀咗黑(特)豚骨拉麵。兩客餃子率先送上，餃子外皮完整，厚薄適中，餡料菜量多，質感略帶爽，水準不俗。
接著輪到吃拉麵，先試下呢款白(特)豚骨拉麵 ($85)，拉麵嘅配料有紫菜3片、木耳絲、蔥花、半熟玉子1隻同叉燒 3 塊。湯底用豬骨熬煮，無加味精，色澤呈奶白，味道比預期清淡，唔算很濃稠，但飲落非常順喉。麵條雪白，咬落爽滑有勁，沒有坊間拉麵常見的鹼水味。檯上有調味料，可以用來佐拉麵吃。
叉燒唔算好很厚身，但非常軟熟，肉質頗腍，而且邊位帶焦脆，咬下不韌，味道不錯，滋味非常。半熟蛋嘅蛋黃晶瑩剔透，呈流心狀，蛋汁豐盈滑溜，一睇就知對辦。
至於另一款黑(特)豚骨拉麵 ($89)，其實基本上呢款拉麵嘅材料同白豚骨拉麵係一樣，只係湯底加咗黑蒜。拉麵端上桌時仍滾熱辣，馬上呷一口，湯身蒜香味濃，非常醇厚，而且喝起來一點也不覺膩。麵條煮至軟硬適中，掛湯力十足，叉燒薄嫩味濃，配埋蛋黃盪漾嘅溏心蛋，滋味好吃。下次再嚟嘅目標係沾麵。
跟餐飲品
張貼
