翠韻軒 (已結業)

每年新年都會同一班親戚黎到尖沙咀翠韻軒食晚飯一聚😌 因爲封路關係，早早六點前就到達，等左陣人齊就上菜！我覺得今年整體上菜都快左，以往未食到雞就已經落左樓下睇煙花，今年就只剩飯麵糖水，甚至係要同侍應講想停一停過埋煙花先上。味道方面不過不失喇，本身對美心集團既都無咩期望，每年黎純粹係有大檯同方便咁多家人。不過今年勝在野食都夠熱，特別係個蟹鉗！另外個琵琶豬唔係太肥👍🏻 仲有個外加既炒飯算全晚最好，可能唔係mass produce既關係🧐但係比我揀就唔會主動想黎食喇。