譚仔雲南米線 (已結業)

譚仔我就幫襯得多喇，不過長期都淨係食番茄辣湯底，又有啲酸酸辣辣味，又唔會好似酸辣湯底咁濃味，我好滿意。終於，係至愛麻辣湯底嘅男友三番四次嘅轟炸推介之後，我都第一次嘗試麻辣湯底。一試，實在驚為天人。印象中麻辣湯底成日都會辣到喉嚨好唔舒服咁，點知今次我order嘅呢個五小麻辣湯底食落好舒服，帶有淡淡胡椒香氣，辣都僅限於係口腔入面揮發，絕對唔會食到成塊面都係口水眼水咁。再加上魚腐索湯嘅特質，一啖口感粉質嘅豬潤，一啖彈牙嘅米線，同香味撲鼻嘅麻辣湯底一齊吞落肚，的確係人間美味。