更多
2016-05-17
1721 瀏覽
今日好友揀選呢間餐廳,佢話試過去銅鑼灣分店不錯,呢間水準都應該唔會差得去邊。我既期待又興𡚒咁去到餐廳揾我個FRIEND食飯兼聚舊。一入到去餐廳唔算好大,但勝在夠四正同埋多窗,裝修都唔錯,坐落都幾舒服,除左食飯外,黎飲野傾計都好適合。因我見佢都放左好多酒响BAR枱,但可惜我有少少病食緊藥,無緣飲幾柸lu~頭盤我地叫左個帶子沙津,因我本人好鐘意食帶子。估佢唔到咁扺食,通常叫帶子沙律都係好多雜菜,但肉就得少少咁。呢到倒轉,係帶子多多喎!仲要個盤㡳放左足夠0既冰,個賣相真係比人一種好清新0既感覺。我同個FRIEND每人都分到好幾粒帶子呀!旁邊個醬係麵豉味,都幾有新意同諗頭。因出面食大多數都係柚子汁或者係果醋之類,今次可以試下新野。之後個FRIEND叫左個牛舌,其實本身我係比較少食牛0既,平時同朋友食飯我都係食少少試下架炸,但今次個牛舌我食左一啖就已經攞哂成條食。通常食牛舌都係串燒多,切到薄薄咁,好少好似呢到做厚切,成個口感都唔同哂。厨師煮得好好,牛舌有咬口得黎唔會韌。我覺得佢最好係唔會用太多調味料蓋左食材本身個味道,加0的黑椒帶返少少香味就夠,啱啱好。呢道菜係成餐飯我最鐘意0既!到主菜出場啦!
題外話/補充資料:
我同個FRIEND食完飯仲坐左陣傾計,0個到0的侍應好好,不停咁幫我地加水,態度親切。
(以上食評乃用戶個人意見 , 並不代表OpenRice之觀點。)
張貼