莆田 (利舞臺廣場)

營業中

休息中

適逢父親節，所以就去左一間有米芝蓮星嘅餐廳：莆田。主要食福建菜嘅啲間餐廳最出名就係蟶子，仲要唔係一般嘅蟶子，而係哆頭蟶。首先介紹一下冰爽酒糟蟶子。呢個冷盤名符其實，有好重嘅酒味。雖然我一向都唔好酒，亦唔係好鍾意有酒味嘅菜式，不過都覺得啲嗰幾好食。講唔出係咩酒不過同平時一般中菜用嗰啲有分別。而蟶子雖然唔係好大隻，我諗係因為品種問題，不過都好肥美。酒味雖然濃，不過唔會蓋過蟶子嘅海鮮味，反而係帶出鮮味。下一碟係蝦苗伴紫菜。都係冷盤。雖然我哋平日食嘅紫菜同櫻花蝦嘅菜式都係咸嘅，但今次甜甜地嘅餸反而喺味覺上有啲新鮮感。紫菜味同埋櫻花蝦嘅味道都配搭得非常完美。除咗一啲傳統嘅福建菜之外，亦都有一啲普通嘅中菜就好似呢一度芋香棒。一般係酒樓食嘅炸芋頭通常都好油膩，而且炸皮都會好厚。不過啲一個炸芋香棒就做得非常出色。外皮脆而不膩，唔會過厚。而香芋就做得好軟棉，同埋芋頭味濃，比一般酒樓嘅質素高好多。整體而言，所有餸菜都好好食，而且有福建菜嘅特色。而餐廳服務都幾好。價錢方面，有米之蓮一星嘅就咁上下啦，所以如果大家想過嚟食一餐好食嘅飯，得閒試吓福建菜。