天天海南雞飯 (Fashion Walk)

營業中

休息中

去過星加坡都會聽過天天海南雞飯，規模越來越大，仲擴充海外市場。銅鑼灣嘅分店坐落喺名店坊。平日晚上7:30嚟到座無虛席，不過服務質素依然維持到，上菜速度亦冇延誤，唔會出現冇人理嘅情況。前菜送上熱情果哈密瓜，酸酸甜甜好醒胃。天天海南雞皮薄肉嫩，完全唔會見到肥膏，整體肉質一致，唔會出現特別鞋嘅情況。三種沾醬味道濃郁，各有風味，可隨個人喜好互相配搭。油飯同埋咖喱都係用石鍋送上，食到最後依然能夠保持溫度，十分抵讚。油飯粒粒分明，帶有雞嘅精華，絕對食唔停口。牛肋肉淋身有肉香，薯仔外脆內軟，咖喱帶少少椰香夠杰身，超級好送飯。除咗招牌菜海南雞，各款菜式選擇十足，肉類小菜主食小食都有份量足料，味道賣相都對得住價錢。設有室內同戶外用餐區，氣氛幾好。推薦俾想食好味南洋菜，追求環境舒適雅致嘅朋友。