天天海南雞飯 (新城市廣場三期)

營業中

休息中

今日去左沙田松本清朝聖，順道搵好野食，見到呢間有新加坡米芝蓮既"天天海南雞飯"，一定要試下啦。餐廳設計走型格路線，餐具都好精緻好靚，座位很舒服，啱晒行完街休息下。我哋點左餐廳招牌“新加坡米芝蓮2人套餐”，個餐共有5道菜+湯及飲品。前菜~海南沙律全部用新鮮水果，配上黑醋，酸酸甜甜，好開胃。小食~黑松露墨魚蝦多士多士係厚切，每件都有一隻蝦，沾上黑松露醬，味道很匹配。燉湯~鳳梨涼瓜干貝燉龍骨餐廳很聰明，用鳳梨的甜味完全掩蓋了涼瓜的苦澀味，令個湯很清甜。天天海南雞雞肉嫩滑，仲去埋骨，真正係啖啖肉，雞上面有D類似蠔油既醬汁，倍添美味。蔬菜~海南雜菜煲有很多配料，包括雞腎、蝦米、各種菇類、粉絲等。主食~小煲雞油飯飯粒粒分明，而且充滿雞油香味，但又不油膩。飲品~酸柑桔蜜+爆爽檸茶2杯飲品都夠晒酸，好適合作為這餐的圓美句號。