天天海南雞飯 (Fashion Walk)

營業中

休息中

記得以前去新加坡旅行，都係喺熟食市場入面食海南雞飯，但當然舒適程度都係麻麻。天天海南雞飯做咗過江龍黎香港之後，迎合番本地嘅需要，搖身一變邊咗一間幾有味道同坐得舒服嘅餐廳~唔使坐硬板櫈，唔使捱熱，都食倒新加坡嘅本土味道！唔想諗，叫番個二人餐先！首先黎咗個燉湯，湯嘅味道係清清地嘅豬骨湯，味道足夠，同埋感覺唔似有味精海南沙律超級有熱帶風情，佢用咗啲酸酸甜甜嘅生果，好令人開胃黑松露蝦多士簡直令人驚訝，個擺盤嘅設計值得100分！將蝦多士咁平民嘅嘢，昇華到另一個層次，用黎打卡一流！味道都好高水準！然後到主角 天天海南雞飯！配上天天嘅獨門醬汁，成件雞比平常更juicy同埋有雞味，雞肉滑溜又冇骨，食得幾過癮！最後仲有個雜菜煲，入面有好多蝦乾，吊起成個煲嘅鮮味，而且仲有好多粉絲索晒啲湯，食到停唔倒口最後由兩杯地道飲品作結，奶茶唔會太濃，容易入口。酸柑桔蜜開胃醒神，都幾適合配濃味嘅嘢食。