影片
更多
2018-03-01
1833 瀏覽
難得約到朋友食飯，喺佢屋企附近有間叉燒大王，見門口咁多人等位，應該都唔錯，今晚一於食叉燒！七點鐘嚟到，已經排曬隊，攞籌等位。等咗四個字左右先至入座，裏面都好誇張喎，好似酒樓咁大嘅地方，已經坐滿咗！睇餐牌，第一頁就係特選蜜汁叉燒王88蚊一個例牌，叫得叉燒大王，點都要試下呢個！有叉燒，成碟肉，都要平衡下口味，天氣涼涼哋，就叫個客家胡椒浸釀豆卜，$68，有啖湯飲下，又有d粉絲食下。本來諗住兩個餸兩個人食都夠，點知揭到呢一頁，見到有話梅豬手78蚊，咁抵食？！忍唔住點多一個啦！叉燒例牌，分量都唔少，見到叉燒係半肥瘦，顏色靚，淋上叉燒汁，賣相好吸引！食之前，梗係要叫碗靚仔，食叉燒冇飯點得㗎。咬咗一啖，叉燒好爽，肉裏面吸收曬啲蜜汁， 甜甜哋，好有叉燒烤過嘅香味，不會太鹹，超正！最喜歡爽口有肉汁的口感！客家胡椒浸釀豆卜，好大窩！68蚊真係好抵食喎！又有胡椒湯飲，又有釀豆卜和粉絲食。釀豆泡裏面啲豬肉仍然係十分爽口，很新鮮，豆腐卜香味，配豬肉真是絕配！胡椒湯的胡椒味不算太辣，但就很香，有大大粒蒜頭，這令粉絲湯更加惹味！粉絲不會浸到淋，仍然爽口彈牙，大力推介！抵食之選。話梅豬手，最初估佢78蚊唔會好大碟，點
七點鐘嚟到，已經排曬隊，攞籌等位。
等咗四個字左右先至入座，裏面都好誇張喎，好似酒樓咁大嘅地方，已經坐滿咗！
睇餐牌，第一頁就係特選蜜汁叉燒王88蚊一個例牌，叫得叉燒大王，點都要試下呢個！
有叉燒，成碟肉，都要平衡下口味，天氣涼涼哋，就叫個客家胡椒浸釀豆卜，$68，有啖湯飲下，又有d粉絲食下。
本來諗住兩個餸兩個人食都夠，點知揭到呢一頁，見到有話梅豬手78蚊，咁抵食？！忍唔住點多一個啦！
叉燒例牌，分量都唔少，見到叉燒係半肥瘦，顏色靚，淋上叉燒汁，賣相好吸引！
食之前，梗係要叫碗靚仔，食叉燒冇飯點得㗎。
咬咗一啖，叉燒好爽，肉裏面吸收曬啲蜜汁， 甜甜哋，好有叉燒烤過嘅香味，不會太鹹，超正！最喜歡爽口有肉汁的口感！
客家胡椒浸釀豆卜，好大窩！68蚊真係好抵食喎！又有胡椒湯飲，又有釀豆卜和粉絲食。
釀豆泡裏面啲豬肉仍然係十分爽口，很新鮮，豆腐卜香味，配豬肉真是絕配！胡椒湯的胡椒味不算太辣，但就很香，有大大粒蒜頭，這令粉絲湯更加惹味！粉絲不會浸到淋，仍然爽口彈牙，大力推介！抵食之選。
話梅豬手，最初估佢78蚊唔會好大碟，點知真係好大鍋！
豬手皮炆得好淋，但係咬落仍然留有爽口質感，非常好！因為有時豬手炆得淋，又未必做到爽口嘅質感，蚊得恰到好處！話明係話梅豬手，當然落咗足夠嘅話梅，令到豬手味道帶酸酸甜甜，平時怕滯唔敢食，有話梅嘅酸甜味中和，我就唔怕滯，真係食咗大半煲！
總結，好抵食！因為每一碟菜式分量都非常大，如果兩個人叫兩碟餸，加白飯，已經好足夠。今次叫咗三個餸，當嚟試菜啦，起碼知道呢度質素好，抵食夾大分！
張貼
