蜜庵本膳 (已結業)

食完飯經過呢度，入面無人，其實覺得奇怪，甜品店點會九點幾晚餐後一個人都無，門口貼住準備中，入面有兩個店員，我地估可能仲裝修緊未開張啦，想走的時候其中一個男店員向我地介紹有咩食，同埋試業中，咁我地就入左去試下！因為係新店，所有野都好新好乾淨，加上木系裝修，好日式文青小清新！而貼牆位有差電制，如果帶左Notebook或者有自備電話差電線都可以用，適合傾計傾project!講返食物先，初初以為又係d疏乎厘pancake，點知係細細件但數量多的小pancake!我地揀左原味同和，Wa，和(紅豆pancake)！友人仲要左杯咖啡！原味pancake好有蛋味，店員講pancake用米粉整，老實講我就唔太識分，但個蛋味係好出！同埋個蜜糖正！和Wa和 紅豆蓉唔太甜，都OK!而pancake粉我揀左抹茶！跟埋蛋味濃的pancake感覺好滿足！而呢個係點黑糖漿，感覺健康d!凍Latte飲管係用紙做，我覺得idea好OK!而咖啡都ok，最少豆唔燶！