影片
更多
2019-04-27
121 瀏覽
辛苦左一個禮拜, 星期五當然要好好慰勞一下自己。今次帶大家食嘅係－間位於將軍澳嘅台灣嘢-四季良晨。呢間餐廳係要先攞位, 然後出去counter同店員講你嘅枱號同買飛, 之後再返去自己嘅位置等野食。係等緊野食嘅時候, 大食妹就發現四季良晨係－間走文青風嘅台式餐廳。餐廳四周都佈滿書本、相片及各式各樣嘅裝飾品, 仲有一句好中肯嘅句子:小時候, 幸福是很簡單的事長大了, 簡單是很幸福的事!而大食妹就覺得最最最幸福嘅事就係同大家發掘同分享四周圍嘅美食。可能因為人流旺, 唔洗五分鐘, 大食妹嗌嘅嘢食就上曬啦。<桂花烏龍茶$20> (好味: 4/5) (抵飲: 4/5)今日晏就食得太多, 有少少滯滯地, 所以嗌咗比較清新嘅桂花烏龍茶。呢個茶出乎意料地好飲, 桂花嘅味道非常濃郁, 淡淡嘅蜂蜜配上烏龍茶, 甜度啱啱好, 茶味亦異常突出, 有股春天嘅味道。<椒鹽花枝丸(三粒)$23> (好味: 4/5) (抵食: 3.5/5)花枝丸非常有料, 脆脆嘅外皮, Q彈嘅口感, 啖啖嘅花枝肉, －個字: 正<椒鹽雞扒滷肉飯$58> (好味: 4/5) (抵食: 4/
呢間餐廳係要先攞位, 然後出去counter同店員講你嘅枱號同買飛, 之後再返去自己嘅位置等野食。
係等緊野食嘅時候, 大食妹就發現四季良晨係－間走文青風嘅台式餐廳。餐廳四周都佈滿書本、相片及各式各樣嘅裝飾品, 仲有一句好中肯嘅句子:小時候, 幸福是很簡單的事
長大了, 簡單是很幸福的事!
而大食妹就覺得最最最幸福嘅事就係同大家發掘同分享四周圍嘅美食。
可能因為人流旺, 唔洗五分鐘, 大食妹嗌嘅嘢食就上曬啦。
<桂花烏龍茶$20> (好味: 4/5) (抵飲: 4/5)今日晏就食得太多, 有少少滯滯地, 所以嗌咗比較清新嘅桂花烏龍茶。呢個茶出乎意料地好飲, 桂花嘅味道非常濃郁, 淡淡嘅蜂蜜配上烏龍茶, 甜度啱啱好, 茶味亦異常突出, 有股春天嘅味道。
<椒鹽花枝丸(三粒)$23> (好味: 4/5) (抵食: 3.5/5)花枝丸非常有料, 脆脆嘅外皮, Q彈嘅口感, 啖啖嘅花枝肉, －個字: 正
<椒鹽雞扒滷肉飯$58> (好味: 4/5) (抵食: 4/5)58蚊有兩件雞扒同－碗高質滷肉飯, 份量大之餘又可以滿足你兩個願望, 真係好抵。特別抵讚嘅係滷肉飯裏面加咗蔥頭油, 大大提升左滷肉飯嘅層次。
大食妹推薦: 桂花烏龍茶、椒鹽花枝丸
張貼
