影片
更多
2018-05-31
79 瀏覽
最近工作好忙，今晚同男人黎左station3 cafe好好享受一下，果然無令我地失望。位於旺角金雞樓上鋪，一出lift門口就見到鋪頭既招牌，好搶眼。入到去，環境好舒服，每張枱都有舒適既sofa, 枱之間都有適當既空間，唔會迫亦唔會太嘈，一面仲望到旺角既街景添。今次叫左兩個set dinner, 加多30蚊就有前菜同蛋糕仲叫多1款小食，一邊玩遊戲傾計一邊享受。等上菜既時間玩下cafe內既board game, 都有好多選擇同算新淨。前菜有沙律，新鮮既蔬菜配合芝麻醬，簡直開左個胃口。主菜叫左黑松露帶子鮮菌燴意大利飯，黑松露好惹味，帶子細細粒但好鮮味彈牙，意大利飯又唔會太濕又夠份量。另1個叫左煙三文魚野菌忌廉燴意粉，玫瑰形既煙三文魚，賣相加分，味道亦都唔錯忌廉味重，但唔會令意粉過淋，仲係一條條好分明，好爽口。小食拼盤，有雞翼，薯條，春卷，咖喱角，芝士腸，魚蛋。2-3人份量剛好，炸物唔會太油，蜜糖雞翼味道好香好夾。加錢upgrade左飲品，叫左杯塔羅系列既女祭師，即玫瑰加士多啤梨梳打，甜甜地，兩種味道互相配合，唔會搶對方既味道榛子咖啡最後上埋個甜品，揀左特濃朱古力同紐約芝士蛋糕，超級大滿足。芝
入到去，環境好舒服，每張枱都有舒適既sofa, 枱之間都有適當既空間，唔會迫亦唔會太嘈，一面仲望到旺角既街景添。
今次叫左兩個set dinner, 加多30蚊就有前菜同蛋糕仲叫多1款小食，一邊玩遊戲傾計一邊享受。
等上菜既時間玩下cafe內既board game, 都有好多選擇同算新淨。
前菜有沙律，新鮮既蔬菜配合芝麻醬，簡直開左個胃口。
主菜叫左黑松露帶子鮮菌燴意大利飯，黑松露好惹味，帶子細細粒但好鮮味彈牙，意大利飯又唔會太濕又夠份量。
另1個叫左煙三文魚野菌忌廉燴意粉，玫瑰形既煙三文魚，賣相加分，味道亦都唔錯忌廉味重，但唔會令意粉過淋，仲係一條條好分明，好爽口。
小食拼盤，有雞翼，薯條，春卷，咖喱角，芝士腸，魚蛋。2-3人份量剛好，炸物唔會太油，蜜糖雞翼味道好香好夾。
加錢upgrade左飲品，叫左杯塔羅系列既女祭師，即玫瑰加士多啤梨梳打，甜甜地，兩種味道互相配合，唔會搶對方既味道
榛子咖啡
最後上埋個甜品，揀左特濃朱古力同紐約芝士蛋糕，超級大滿足。芝士味已經夠濃郁，加上朱古力，兩種唔同口味各有千秋，蛋糕質感剛好，唔會太淋。
食完依餐飯真係覺得好放鬆，唔會趕人走，又有私人空間，食物亦吸引，下次都會再黎
張貼
