家賀屋刺身寿司專門店

去完演藝睇完舞台劇就落灣仔搵食，行下行下就是但貢上家賀屋試下。隊長同朋友都唔係刺身怪，所以只點左幾款壽司刺身，同埋少少熟食。三文魚刺身都好厚切，不過就多左d根：至於壽司，黃金舟最好味，腐皮炙燒三文魚壽司，呢個配搭ok喎，炙燒帆立貝都幾大粒，不過嫌燒得唔夠，似沙律醬帆立貝多d，最唔好食係大甘蝦，我食果隻可能癡左少少蝦腦，苦苦地既。熟食最好食係個冷烏冬，爽身的，個玉子燒都唔錯，最無特別係個雞軟骨，真係好放題既味道，普通貨色。基本上，佢既刺身都比足料，塊塊都厚切，都新鮮既，但味道就比較行貨，好似食緊放題甘，無乜特別。