影片
更多
2015-06-23
1771 瀏覽
媽媽成日話想食日式放題，今日就一家人特登帶佢去食反次，聽同事講呢間放題選擇多又多新式壽司，所以就決定去試試佢，提前訂位四個仲有壽司送！！一坐低就準備劃嘢食，數數下有成十張嘢食紙，選擇都好多下。媽媽話事叫嘢食，禁我就唯有等食啦~~~第一樣黎嘅就係訂位送「五行壽司」，有五款用不同魚生做成嘅特色卷物，個人最推薦係蝦同帶子個兩款，蝦嘅卷物包左桃係裡面，在加上外層粉紅色嘅魚鬆，成落口甜得黎仲帶出左蝦嘅鮮味。而帶子卷物配上左車厘茄同芝麻，吃落口有一種清甜，加上外層嘅芝麻脆卜卜，感覺甜得黎又有口感！其他個三款都好好食，每舊都係一口SIZE呢個值得贊一贊，因為放題最驚大大舊飯，方你食吾飽禁。魚生方面，由於屋企人一般中意就禁食刺身，所以就叫左小小俾我一人樂，值得一題個三文魚同八爪魚，前者肉厚肥美，後者清甜彈牙，黎呢到一定要試試！之後黎左D壽司，有蟹棒，三文魚同花之戀。先講個花之戀因為好小見三文魚切到禁厚身，食落口簡直要俾十個贊，因為我食到嘅係三文魚仲多過飯同沙律醬，坊間好多花之戀好多都係調反轉，今次真係大滿足！而三文魚同蟹棒呢兩款都係火炙壽司，可以見到師父技術好好，因為火炙好多時會燒焦左D飯，禁就會有苦
一坐低就準備劃嘢食，數數下有成十張嘢食紙，選擇都好多下。媽媽話事叫嘢食，禁我就唯有等食啦~~~
第一樣黎嘅就係訂位送「五行壽司」，有五款用不同魚生做成嘅特色卷物，個人最推薦係蝦同帶子個兩款，蝦嘅卷物包左桃係裡面，在加上外層粉紅色嘅魚鬆，成落口甜得黎仲帶出左蝦嘅鮮味。而帶子卷物配上左車厘茄同芝麻，吃落口有一種清甜，加上外層嘅芝麻脆卜卜，感覺甜得黎又有口感！其他個三款都好好食，每舊都係一口SIZE呢個值得贊一贊，因為放題最驚大大舊飯，方你食吾飽禁。
魚生方面，由於屋企人一般中意就禁食刺身，所以就叫左小小俾我一人樂，值得一題個三文魚同八爪魚，前者肉厚肥美，後者清甜彈牙，黎呢到一定要試試！
之後黎左D壽司，有蟹棒，三文魚同花之戀。先講個花之戀因為好小見三文魚切到禁厚身，食落口簡直要俾十個贊，因為我食到嘅係三文魚仲多過飯同沙律醬，坊間好多花之戀好多都係調反轉，今次真係大滿足！而三文魚同蟹棒呢兩款都係火炙壽司，可以見到師父技術好好，因為火炙好多時會燒焦左D飯，禁就會有苦味，但呢到嘅火炙壽司都無呢個情況，燒得岩岩好，食落去仲Feel到小小暖。
另外有好多人吾中意係放題食手卷，不過我都推薦一款軟殼蟹手卷，因為佢新鮮炸起，外脆內軟，吾係淨包生菜嘅手卷，加埋蟹子食落去口感豐富！
到熱食類，我地都叫左好幾款，而必食嘅一定係枝豆，燒牛舌，同韓式牛舌。枝豆吾粉，爽口，送酒一流。燒牛舌，份量十足，嫩滑吾蘇。韓式牛舌，小辣，醬汁開胃，牛舌近炆煮口感。
鍋物叫左個蕃茄三文魚頭腩煲，茄味濃郁，除搭各種菇類及蔬菜，除左三文魚的鮮味，仲可以食到蕃茄嘅酸甜，可以的話個湯用黎打邊爐或姐配個麵底都會好正！
差不多飽飽，就叫多兩串蝦試下，用鹽燒嘅方法去調味，令到個蝦更甜！另外個條係秋葵，口感清爽，食完d油膩嘢食反條中和下就岩岩好。
最後到甜品，我就要左個芒果布丁同抹茶糯米滋，布丁奶味較濃，不過滑身，入口即熔。抹茶口味好小見，濃濃嘅茶味，抹茶粉絲一定要食。總括黎講今次呢餐性價比都好高，兩百幾一個人可以食到禁多款式嘅嘢，嘢食紙上面其實都仲有幾多嘢未食，下次一定要黎再試下！
張貼
