四季良晨 (新都城中心) (已結業)

果日入去將軍澳搵細妹食晚飯，佢介紹我食依間台灣鋪頭，佢本身好中意食台灣菜嘅，都好推介依間，因為原來價錢相宜之外，仲有好多類型嘅野食，有肉燥飯、台灣麵、好多種好吸引嘅小食，同埋芝士茶、花茶、水果茶、果汁！仲要唔算好貴，真係正！我地叫咗好多樣野一齊share食，有鹽酥雞扒牛肉麵，$58，啲雞扒炸得剛剛好，好嫩好好食，份量十足。仲有有蕃茄花枝丸台灣麵，$51，佢啲麵好大碗，重點係個蕃茄湯底有味得黎好清，完全係食緊真正嘅蕃茄味，一啲麵唔會似味精湯。花枝丸又大大粒，勁抵食！然後有台灣烤香腸小食，$28，我細妹勁中意食，食到飽麵話要食哂啲台灣腸因為平時真係好少可會食到咁似台灣夜市嘅腸仔😋仲有炸花枝丸，$23 有3粒，好有口感，幾好食！最後，都係我最愛，滷水雞翼，$38有5隻，或者想食小小就$23 3隻，但因為我同細妹都勁中意食滷水雞翼，所以叫咗5隻😋唔少得嘅係凍飲，一杯芒果qq綠茶，$20；另一杯係蜜桃烏龍蘆薈$24，依杯超推介！好清新好飲，最好嘅係可以自己揀糖份同少冰果啲！今餐食到好飽好滿足，下次想食台灣野一定會再食依間！