影片
更多
2020-03-20
931 瀏覽
呢間新穎粵菜點心中菜館號稱用健康嘅米糠油烹調，標榜無味精添加嘅健康美食。裝潢上偏向新派，食客可以透過大型嘅開放式廚房，見住師傳製作佳餚👨🏻🍳💗白玉王鴿($38/1隻)選用幼年乳鴿🦆先浸滷水後再上皮風乾，風乾後炸至外皮金黃、薄脆酥香。無論脾位至胸部，食落都超級嫰滑juicy🍗脂香唔會過多，滷水鹹度適中，完全入哂味，又唔會蓋過肉香，不過鴿肉唔夠豐滿。💗脆蝦多士($79/3件)多士炸得香脆可口，乾身冇油味。最值得欣賞係放咗原隻開邊蝦🦐而唔係蝦膠，食落更加爽口彈牙，肉質都尚算新鮮，好足本咁配埋少量黑松露醬，更添香味🥪💗非常山竹($49)口感有d似鹹水角，紫薯糯米皮炸至香脆煙韌，上面加枝朱古力百力枝，內裡包住龍蝦汁同蟹肉🦞餡料十足，湯汁夠哂juicy，但食落冇預其中咁濃郁鮮甜，味道好淡😢💗蟹粉麻球($89/3件)外型有d似迷你煎堆，沾上黑白芝麻粒炸至金黃香脆，但可惜糯米粉團唔夠煙韌而且比較厚🧆內裡有份量十足嘅金黃蟹粉同蟹肉絲，食落帶少許薑味冇腥味，但蟹黃味唔夠香濃鮮甜🦀💗冰鎮咕嚕($99)冰鎮令外皮特別脆，裡面嘅豬肉就軟嫩彈牙，油脂分布平均好似豬頸肉嘅口感，食落唔覺有好多肥肉同無骨🐷第一啖咬落
💗白玉王鴿($38/1隻)選用幼年乳鴿🦆先浸滷水後再上皮風乾，風乾後炸至外皮金黃、薄脆酥香。無論脾位至胸部，食落都超級嫰滑juicy🍗脂香唔會過多，滷水鹹度適中，完全入哂味，又唔會蓋過肉香，不過鴿肉唔夠豐滿。
白玉王鴿
$38
22 瀏覽
0 讚好
0 留言
多士炸得香脆可口，乾身冇油味。最值得欣賞係放咗原隻開邊蝦🦐而唔係蝦膠，食落更加爽口彈牙，肉質都尚算新鮮，好足本咁配埋少量黑松露醬，更添香味🥪
脆蝦多士
$79
37 瀏覽
0 讚好
0 留言
口感有d似鹹水角，紫薯糯米皮炸至香脆煙韌，上面加枝朱古力百力枝，內裡包住龍蝦汁同蟹肉🦞餡料十足，湯汁夠哂juicy，但食落冇預其中咁濃郁鮮甜，味道好淡😢
💗蟹粉麻球($89/3件)
外型有d似迷你煎堆，沾上黑白芝麻粒炸至金黃香脆，但可惜糯米粉團唔夠煙韌而且比較厚🧆內裡有份量十足嘅金黃蟹粉同蟹肉絲，食落帶少許薑味冇腥味，但蟹黃味唔夠香濃鮮甜🦀
非常山竹
$49
33 瀏覽
0 讚好
0 留言
蟹粉麻球
$89
46 瀏覽
0 讚好
0 留言
冰鎮令外皮特別脆，裡面嘅豬肉就軟嫩彈牙，油脂分布平均好似豬頸肉嘅口感，食落唔覺有好多肥肉同無骨🐷第一啖咬落冰涷，中間就暖暖地。水果除咗菠蘿之外仲有蜜瓜粒，夠哂清新爽甜🍍最值得讚係放耐咗d冰都冇溶，唔會變「水浸肉」咁核突，但酸甜嘅醬汁會稠到章咗係舊肉到，有d似鼻涕🤢
冰鎮咕嚕
$99
29 瀏覽
0 讚好
0 留言
將半肥瘦既美國安格斯牛柳燒至五成熟🐮因為厚切保存所有肉汁，所以肉質特別鬆軟稔滑，不過肥脂實再太多。用咗叉燒蜜汁調味，帶濃郁焦香甜，令牛肉更香嫩入味，食落似豬又似牛，不過牛味就變相唔突出🤔
肥牛叉燒
$149
31 瀏覽
0 讚好
0 留言
糖心蛋完美做到流心效果🥚蛋白爽口滑溜溜，蛋黃漿濃稠甘香，帶好大陣煙薰味同醬油味，濃郁入味。將煙三文魚捲成花瓣，肉質軟嫩冇根，食落冇腥味，仲有少量脆卜卜嘅黑魚子，咸鮮係口裡爆發🐟
鮭魚燻蛋
$69
66 瀏覽
0 讚好
0 留言
撻皮厚薄適中，焗得金黃酥脆，但牛油味唔夠香濃，就算放咗餡料同茨汁都唔會冧。特意放咗黑松露菇菌絲，口感爽口，惹味香濃🍄舖面嘅鮑魚炆得夠軟腍，帶鮑汁嘅咸鮮，而且幾大隻，食落彈牙煙韌，可惜未夠糖心🥧
焗鮑魚酥
$28
57 瀏覽
0 讚好
0 留言
晶瑩剔透嘅餃皮夠薄而且口感煙韌，雖然係一口迷你Size，但裡面有蝦肉粒同蝦膠，食落爽口彈牙而且鮮甜，配上爽脆筍粒好高質🥟
鮮蝦蒸餃
$49
30 瀏覽
0 讚好
0 留言
餡料包咗肥瘦均勻豬肉同蝦膠，咬落爽口鮮滑。中心仲有粒鵪鶉蛋，蛋白彈牙蛋黃甘香，不過最期待嘅流心畫面竟然冇，蛋黃已經熟哂非常失望😭面頭加咗黑松露醬，即時惹味哂，聞落同食落都好重松露香💎
流心燒賣
$49
40 瀏覽
0 讚好
0 留言
竹炭包掃咗食用金粉，質感鬆軟輕柔，搣開有流沙效果，差d辣親嘴🥯香滑奶黃餡帶鹹蛋黃香，仲有少少蛋黃碎，不會過甜膩。唯一不足係餡料可以多番少少，口感唔夠濃稠🐣
黑金流沙
$49
44 瀏覽
0 讚好
0 留言
豬腸粉超級軟滑Q彈，但米香唔夠突出，以XO醬同豉油爆炒，調味啱啱好，帶微微嘅辣好惹味🌶仲唔吝嗇咁放咗4隻原隻鮮蝦，頗大隻之外食落爽口彈牙冇雪味🦐
炒蝦腸粉
$79
27 瀏覽
0 讚好
0 留言
布甸用100%天然椰汁製成，椰香味濃郁外帶奶香🥥糕身偏硬身，口感嫩滑彈到震騰騰。食落幾light唔會過甜🥛
得意小豬
$39
68 瀏覽
0 讚好
0 留言
其實就係冰皮榴連糯米糍，外皮薄身軟糯，但唔夠煙韌。裡面係香甜軟綿榴槤果蓉忌廉，口感似雪糕🍦對於榴連愛好者嚟講，原粒嘅榴連肉唔夠，所以內餡的確較淡😯
冰皮壽桃
$39
30 瀏覽
0 讚好
0 留言
張貼
