78
16
9
港鐵荃灣西站 A1 出口, 港鐵荃灣西站 D 出口 繼續閱讀
所有分店 (3)
電話號碼
28080910
28080981
開飯介紹
主打摩登點心的中菜館,旨在為客人提供一個舒適亦有活力的用餐環境,讓客人可在舒適自在的環境中品嚐時尚健康的中菜。 繼續閱讀
營業時間
今日營業
11:30 - 16:00
17:30 - 22:00
星期一至日
11:30 - 16:00
17:30 - 22:00
*午市截單時間: 15:45 晚市截單時間: 21:45
付款方式
Visa Master 現金 銀聯
其他資料
酒精飲品
電話訂座 詳細介紹
加一服務費
食評 (129)
店嘅裝修絕對係相機先食📷嘅港女店💁🏼‍♀,Tiffany Blue 色仲要周圍都係打卡位🏓,食物好味有驚喜,gathering 嘅好地方! 👏🏻💗紅粉佳人 $49💗其實係紅菜頭蝦餃,白裡透粉紅色,仲要加金邊,睇見都已經覺得幸福。完全食唔到紅菜頭味,係豪華版靚蝦餃,皮滑唔厚,咬落蝦夠大夠爽口彈牙,好睇又好食。肥妹指數:🙆🏻‍♀🙆🏻‍♀🙆🏻‍♀🙆🏻‍♀🔘黑白無雙 $49🔘懶神秘其實係好好味嘅黑椒洋蔥雞煎包,唔止個餡,係連個包都好食,一咬落去啲肉汁加埋芝麻香味真係不得了!肥妹鬼好忍口都食咗兩件。
肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🦐火冒三丈 $99🦐火燒鹽焗蝦上檯點火已經好架勢,食落仲好惹味,大大隻爽口彈牙好鮮味,個殼都啜乾凈,咸咸哋送飯一流。肥妹指數:🙆🏻‍♀🙆🏻‍♀🙆🏻‍♀🙆🏻‍♀🐄肥牛叉燒  $149🐮哩個真係一定要叫兩碟,軟稔幼嫩好好味,US Angus牛烤得剛剛好,真係食到停唔到。肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🔥冬陰功粉 $69🔥泰式冬陰功+銀針粉又幾好味,湯小小辣加海鮮,細細碗,用銀針粉令口感提升,兩隻蝦都幾鮮甜大隻,大食嘅應該唔夠飽。肥妹指數:🙆🏻‍♀🙆🏻‍♀🙆🏻‍♀🙆🏻‍♀嚟緊咁多gatherings, 要去試下中環同尖沙咀兩間~👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-21
1045 瀏覽
話說黎開荃灣😻因為隔離商埸有個卡通人物聖誕展☺️☺️☺️☺️ 緊係再黎食下野啦☺️今次為左試佢個肥牛叉燒🤤 我見人地影出黎好似好正咁☝🏻Gogogo 食貨兵團🤗環境依然好靚!係女生最愛既Tiffany blue 顏色裝修😻 打卡又點少得佢!☝🏻今次因為食平日!所以就安排左可以有機會會特色 乒乓波枱☺️ 等朋友既時候,就叫左椰青水同黑豆漿☝🏻椰青水好清甜!係原個椰青直出!聽講係無添加☝🏻天然野☝🏻😉叫左5樣野!三個人輕食黑白無雙 $49 黑色聽說係竹炭,入面洋蔥同雞肉粒!好juicy 食既時候入面會有d 雞湯汁流出黎☝🏻🤤火冒三丈 $99 推介佢係火燒鹽焗蝦,上台時候會有點火儀式!好有趣☺️☝🏻打卡指數很高!入面有5隻大蝦!如果食得重口味好似我咁!可以連殼食!野味~個頭重有蝦膏tim!👏🏻👏🏻👏🏻👏🏻👏🏻肥牛叉燒 $149 5粒星大大大大推介🤤到而家重好回味😭心思思想再食!原來黎自美國有名既安格斯牛,軟稔幼嫩!超正😭一d 唔乾,充出肉汁同半肥瘦既肥牛🤤一定要叫呀!!!冬陰功粉 $69小小辣既冬陰功粉☝🏻個粉係銀針粉😻煮得岩岩好😉有時出面食既銀針粉會太硬/太糊重有兩隻大蝦,細胃人士好岩紅粉佳人$49 其實佢係紅菜頭蝦餃,本第聽到係紅菜頭都有小小驚會唔會好奇怪🤔食落係唔重紅菜頭味既!所以okay! 加上外表真係晶瑩剔透完全睇到入面包住粉紅色既大蝦☝🏻😉重有金泊金邊!造型一流!皮薄得黎唔會一夾就散👏🏻亦唔會痴埋一堆!☝🏻 繼續閱讀
(以上食評乃用戶個人意見 , 並不代表OpenRice之觀點。)
等級8 2018-10-18
3471 瀏覽
呢餐家庭飯,既喺慶祝姨仔完晒個課程,可以甩難,又喺補祝我老婆嘅生日,而用餐地點,就由姨仔發辦,佢喺荃灣地膽。佢之前試過荃灣店嘅「唐宮小聚」,專登推介我哋一齊嚟試吓,仲問有無人試過,為免掃佢雅興就無特別出聲,其實,兩年多前曾同老婆光顧過中環店喇。主打摩登中菜嘅「唐宮小聚」近幾年越做越出色,所以,呢晚星期日嚟到,門口已經有唔少人晌度等位,入到裡面,更可以用座無虛席嚟形容。雖然枱櫈拍得有啲密,但因為樓底比一般餐廳高,未至於太侷促。而一室湖水藍襯白,拼上琥珀色雲石餐枱,加上柔和嘅暖黃色燈光,整體予人感覺摩登得嚟又親和。而入門口位,擺放咗好多店家嘅招牌公仔點心,雖然都喺睇得唔食得,但都夠晒趣緻得意。得意嘢唔止啲點心,枱上嘅餐碗都好搞嘢,一眼望落去啲碗惹晒蟻喎,哈哈哈,其實碗底嘅黑蟻喺假嘅,只喺畫上去,但就呃到唔少人架。講到食物,呢度有唔少選擇,而且,改名都花過心思,全部食物都喺「四字詞」(飲品除外)。除有「金獎之選」及「必食之選」外,分類為小潤、小吃、小點、小炒、小菜、飯麵、小甜、口渴,全部都喺得兩個字,真喺唔易諗架。順帶一提,茶芥$8位,另收加一服務。有機豆漿 $19有黑豆豆漿或黃豆豆漿可揀,亦可以揀凍或熱,都喺同一個價。無論乜豆,豆味都好濃郁,就算要凍嘅,都唔會太冰,幾好飲。松露香菇 $39呢個喺店家嘅招牌嘢,造型絕對喺神似,就連底下嘅菇椗都做埋出嚟。入口包身鬆軟唔黏牙,內裡塞滿刴得幼細嘅菌粒,更加入黑松露醬,味道幽香,不愧招牌。紫蓉豬豬 $19呢個純粹貪得意叫俾個小朋友,因為豬豬個造型確喺好意得。以紫薯蓉做內餡,搓得好柔滑,味道亦算喺唔錯嘅,一客一件賣$19,氹吓細路仔都好。麻辣燒賣 $39一客4件嘅燒賣,外觀跟我哋平時晌酒樓食到嘅有少少分別,長身啲,而最大分別喺餡料棄豬肉而用上糯米,口感黏糯,麻辣味就幾搶吓。蟹粉麻球 $79一客有3球,唔講以為喺煎堆仔,因為圓卜卜,外層又沾滿黑白芝麻。咬開一口,其實裡面喺混有蟹粉嘅豬肉餡,雖然蟹粉嘅味道唔算好突出,但肉丸鬆化又富肉汁,感覺不俗喎。脆蝦雲吞 $39一客有3件,相中呢個喺兩份嚟,做得幾的骰,咬落極之脆口,又唔算好油,內裡嘅蝦肉亦非常爽彈,而且,有少少芝士絲。自家雲吞 $39食咗個炸嘅,又試試個湯嘅,樣貌同晌港式麵檔食嘅無乜分別,一客印象中好似6隻,隻隻都包得大隻餡多,餡料富鮮甜味,用料唔馬虎,雲吞皮又好滑。白玉王鴿 $29.9 / 隻(限每人一隻堂食)雖然喺特價賣咁平,不過,我哋都喺點兩隻嚟過吓口癮。每隻都炸得金黃,色澤均勻,皮脆肉嫩又唔油膩,卻充滿甘香,超抵食,不愧喺金獎之選。炒蝦腸粉 $69叫得炒蝦,就真喺堅有一隻隻鮮蝦,而唔喺我哋平時食蝦腸嗰啲搞嚟炒,只喺一般炒腸粉再加入鮮蝦仁。不過,蝦低好爽,又用上XO醬炒,微微辣,卻十分惹味。秋葵淮山 $69炒菜類就點咗一客秋葵淮山,做法簡單,都只喺清炒,但前者黏滑,後者有點爽脆,最緊要喺兩者都喺好有益嘅食材。荷花蒸飯 $89之前都曾經食過,覺得喺性格比高嘅蒸飯,所以,翻兜推介俾大家試吓。上枱時散發出點點荷香,而飯內有鮮蝦、火鴨、雞丁、瑤柱,非常豐富,加上飯粒鹹香軟熟,水準依然。粉墨登場 $89舅仔仲未夠飽,再追加多一道墨魚汁炒飯,飯粒雖然烏黑,但有光澤,入口飯粒分明軟綿,三約嚿八爪魚仔,爽口好食。甜品拼盤 $59最後,以一份甜品拼盤作結,任揀3款下,就揀咗椰汁紅豆、木糠奶凍及冰糖紫燕,3款甜點都以小樽盛載,的的骰骰。幾款嘅味道都唔錯,老婆喜歡椰汁紅豆,因為下層嘅紅豆軟糕好清甜,有紅豆香;我就最鍾意木糠奶凍,木糠其實喺奧利奧朱古力餅碎,奶凍做得柔滑富奶香。時隔兩年有多再訪,兼喺唔同分店,但水準都無走樣,功力不減,而且,服務貼心,收費相宜,菜式又有特色,繼續喺值得翻兜之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-22
1712 瀏覽
好耐無試過一家人飲茶,傳統酒樓略嫌嘈吵,大家又想試下新派點心,就一於一早起床去唐宮小聚取位,由於平時太多人排隊,所以我們特意在店舖開門前到店拎籌取位,再行一陣街,於開門前十分鐘等候安排入座。店內環境優雅,像置身於酒店中品嚐英式下午茶般,唯一美中不足的是有90分鐘時間限制,不然就可更悠閒一些。白玉王鴿乳鴨醃得入味,上枱時非常熱辣辣香噴噴,而且皮脆內嫩很juicy,果然是此店的皇牌。雞絲拉皮拉皮很透薄很滑,配上紅蘿蔔絲、青瓜絲及雞絲再加上香濃的麻醬,有水準。糟滷醉蝦蝦爽口彈牙,酒味入晒蝦裏面,配上少許菜苗,好清新。黑金流沙軟綿綿的竹炭包配上熱辣辣流沙奶黃餡,絶對睇得又食得。松露香菇外型有質感十足十花菇般,一咬開松露的香味撲鼻,然後熱辣辣的松露菇菌滿滿流出。麻辣燒賣非一般的燒賣,內餡是麻辣糯米,麻辣味不錯,糯米亦軟熟。但我們對傳統豬肉燒賣的味道太根深柢固,若它改叫另一名字,或許令這道菜式加回不少分數。珍珠蝦餃一口一粒,皮薄蝦彈牙。若然每粒可以大多少少,更貼合我的口形,更佳。 麻醬抄手賣相像外賣腸粉般,麻醬香滑,配上芝麻及葱花,唔錯。鳳梨咕嚕咕嚕肉外脆內嫩,酸汁調配得剛好,配上燒到有格紋的菠蘿,好治癒。秋葵淮山火喉調味俱佳,清新之選。荷花蒸飯飯爽而不膩,內有鮮蝦、火鴨、雞丁及瑤柱,有內餡的菜式。蜑家蟹粥其貌不揚,但有內餡。蟹粥鮮甜,粥內還有少許新鮮蟹肉,如果可以再煲熱少少,更覺驚喜。開蒽拌麵又是另一道其貌不揚,但有內餡的菜式。拌麵的調味調配得剛剛好,麵質煙韌,有水準。炒蝦腸粉蝦爽口彈牙,但腸粉不太入味,比較失望的菜式,十三幺麻雀根據餐牌所示這道甜品是椰汁布甸,但我們食落更似牛奶布甸,好滑但好容易鬆散,理應是打咭之選,但不知道為什麼我們的麻雀組合是那麼差,但我見隔離枱的組合又ok,對我而然是失望。冰皮壽桃冰皮壽桃理應也是打咭之選,但有少少失望就是榴槤肉與忌廉的比例不似如期。總括來說,大部份菜式味道真的不錯,下次可以再試下其他菜式。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-18
4077 瀏覽
最近男朋友生日喎 咁我就同佢同埋佢屋企人一齊食飯慶祝 佢地話想食一啲有特色嘅中菜 咁我地就去左食荃新天地有間叫 唐宮小聚 到食啦 好過成日飲茶嘛一入到去就覺得啲佈置幾骨緻幾特別 有好多乒乓球拍掛哂係牆上 而啲碗上面有啲昆虫嚇下你依啲未黎過嘅人xd 咁因為有兩個大食男嘅關係 我地叫左好多野食:1. 白玉王鴿黎到唔可以唔食依到嘅乳鴿 只需要$29.9 咋一隻 而佢依到都好貼心幫你分左一隻一半比你易食啲 仲有兩隻手套比你揸住佢黎食 佢熱辣辣咬落仲有啲熱油係啲油上面 而且都ok多肉食 係一級嘅享受2. 猛虎咬豬佢係一個包 裏面夾住一大舊肥豬肉 仲有少少酸菜少少辣嘅番茄醬 食落都幾好味 個包鬆較舊豬肉夠大~3. 皮蛋豆腐佢啲豆腐涼涼的 好滑 夾埋中間嘅皮蛋同埋芝麻醬一齊食就好有口感同好味道4. 肉鬆抓餅佢個手抓餅好鬆化 一咬即爛 好似食緊酥皮咁 裏面啲肉鬆都幾多 成個食落去唔乾 甜甜地 口感豐富5. 非常山竹(本身有三粒)本身以為係咩甜品 望落去似士多啤梨 但點知食落去係咸嘅 但個皮係甜嘅 好似食緊咸水角咁 但佢裏面係龍蝦汁同蟹肉 正!6. 蟹粥雖然唔係好大碗 但勝在有水準 好足料而且好有質感 附上嘅油炸鬼就好脆 加埋落啲粥到就岩哂 有啲野chiu下依間野真係幾好食同特別 👍🏻 繼續閱讀
(以上食評乃用戶個人意見 , 並不代表OpenRice之觀點。)