瀛豐放題料理專門店

之前一直有個想法，放題永遠都唔夠自助餐質素高。事實上過往嘅經驗的確係咁， 哩日係朋友嘅生日，佢指定要食呢間放題，我只好從命，試完，可以話係顛覆左我一直以來嘅 preception。🍖佢嘅刺身擺盤真係好靚，不過最緊要係質素，我竟然可以按住我喺自助餐嘅食野程序進餐。我第一樣野一定會食長腳蟹， 蟹腳如果可以原條抽出，咁就已經成功左一半，而且啲肉好實淨又鮮甜。再嚟就係魚子醬，圓形盒既總係比人矜貴感覺，而且佢粒粒分明，食落有鹹香又有鮮味。食魚刺身之前，我多數會想先食帶子，因為佢味道相對冇咁濃，而呢問餐廳仲會輕微切開帶子，釀入海膽，兩種食材相得益彰。跟住當然就係其他刺身，唔係講笑，普通放題嘅刺身真係冇咁好嘅質素，我會用肥美形容，尤其喺虎蝦同埋三文魚，魚腩位同咁大既虎蝦，食幾隻都回哂本。🍖然後係一般我認為自助餐嘅雞肋食物。其實有好多食物，本身好好味，但係因為已經食咗好多海鮮，肚皮開始唔爭氣。變成唔食就好可惜。所以精選呢一啲食物係特別重要。蟲草花燉湯喺哩個過場情況下嘅好重要角色。佢清清地，熱辣辣，正式有凍盤進入熱盤。而且入邊有非常足料嘅蟲草花同埋乾瑤柱，童庚無欺。🍖我特別鍾意佢嘅泰式炒通菜，天婦羅，同