影片
更多
2022-12-19
84 瀏覽
世界盃熱潮席捲全球，今次又相約朋友到荃新天地二期炑八食燒肉，見到廣場中庭大屏幕直播緊賽事，而炑八都換咗佈置主題，門口有勁大個龍門backdrop俾人影相打卡，真係緊貼熱潮！一如以往，一坐低侍應就送上沙律、幾款前菜，生菜、蒜片、辣椒用嚟包住燒肉食，仲倒上蛋漿，係我最愛嘅粟米芝士爐邊蛋！想掃QR code點食物嘅時候，見到有張韓牛毛巾禮盒宣傳單張，買嚟聖誕節同朋友交換禮物，應該幾搞笑！➺➺特級牛肋骨$288今次叫嘅幾款肉入面最好食嘅一隻肉！原來成條牛肋骨用上韓國秘製醬油醃製超過10個鐘，難怪咁入味！油脂分布均勻，燒嘅時候油花出晒嚟，食落口又柔嫩又Juicy! 原條過擺放造型成條布條咁，幾有心思！➺➺炑八厚切五花朒$138油脂同肉相間，層次分明，油感較濃厚，跟住餐單上嘅食法介紹，用醃過嘅蘿蔔片或者用生菜配蒜片、辣椒，再加埋韓式辣醬一齊食，口感好豐富！➺➺韓式豬皮配炒芝麻（6件) $78豬皮厚度有成1cm，幾有韌性，因為幾有口感，唔覺特別肥膩，加上用醬油醃製過，味道更易入口！➺➺韓牛前胸肉$158牛肉同脂肪比例均勻，爽而不膩，牛肉味較為香濃，所以唔需要醃製，燒完之後，點少少醬汁就可以入口！➺➺
一如以往，一坐低侍應就送上沙律、幾款前菜，生菜、蒜片、辣椒用嚟包住燒肉食，仲倒上蛋漿，係我最愛嘅粟米芝士爐邊蛋！想掃QR code點食物嘅時候，見到有張韓牛毛巾禮盒宣傳單張，買嚟聖誕節同朋友交換禮物，應該幾搞笑！
➺➺特級牛肋骨$288
今次叫嘅幾款肉入面最好食嘅一隻肉！原來成條牛肋骨用上韓國秘製醬油醃製超過10個鐘，難怪咁入味！油脂分布均勻，燒嘅時候油花出晒嚟，食落口又柔嫩又Juicy! 原條過擺放造型成條布條咁，幾有心思！
➺➺炑八厚切五花朒$138
油脂同肉相間，層次分明，油感較濃厚，跟住餐單上嘅食法介紹，用醃過嘅蘿蔔片或者用生菜配蒜片、辣椒，再加埋韓式辣醬一齊食，口感好豐富！
➺➺韓式豬皮配炒芝麻（6件) $78
豬皮厚度有成1cm，幾有韌性，因為幾有口感，唔覺特別肥膩，加上用醬油醃製過，味道更易入口！
➺➺韓牛前胸肉$158
牛肉同脂肪比例均勻，爽而不膩，牛肉味較為香濃，所以唔需要醃製，燒完之後，點少少醬汁就可以入口！
➺➺蒜蓉牛油金針菇$48
成個錫紙盤放上烤爐上燒熱，都需時熱熟，所以要預早少少燒！錫紙盤底部全部都係芝士，上面仲有勁大塊牛油，熟透後全部香濃嘅調味料融為一體，好香！
➺➺海鮮煎蔥餅$92
雖然餅皮煎至金黃色，但係外皮鬆化、乾身，又唔覺特別油膩，餡料係大量嘅香蔥，又食到海鮮嘅彈牙，點埋甜甜酸酸嘅沾醬就更好味！
➺➺柚子檸檬梳打$38/荔枝梳打$38
冰涼有汽嘅梳打水飲落真係好清爽，尤其係食燒肉嗰陣！仲有呢度嘅梳打水係特別大杯，一杯到尾，好襟飲！
張貼
