喫茶ちょうぼ

營業中

休息中

呢間餐廳本身開咗大約半年，今日去食嘅時候，依然要排隊，大約都要等15分鐘；坐低嘅時候，張枱都算寬敞，餐廳燈光較昏暗，都幾舒服。我哋叫咗一啲晚市套餐，一嚟嘅時候係錢財，錢財係蛋沙律，蛋嘅香味都算突出。主菜嚟到嘅時候係紅酒汁燉牛肉蛋包飯，呢一個我係好推介，因為牛肉非常嫩滑，再加埋微甜嘅紅酒汁，配上裏面新鮮炒起嘅炒飯，呢個蛋包飯係好好食。牛肉你可以見到佢係有好靚嘅牛筋，黐埋啲肉，唔可以講話係入口即溶，但係真係好好食。飲品方面，呢杯抹茶🍵嘅茶味，係我食過咁多間餐廳之中最苦嘅，可能有啲人會好鍾意，但對於我而言嘅話，我就會選擇其他飲品；呢杯焦糖咖啡甜度適中。再之後我哋叫咗一個吉列午餐肉，我都幾推介呢一個小食，因為平時食午餐肉，都係同粉面一齊食，單獨咁樣食，再炸得非常香脆，再配上酸酸甜甜嘅汁，係一個幾好嘅體驗。水果三文治係我嘅至愛，特別一讚嘅係，佢呢度嘅生果用上左日本嘅生果，再配上中間嘅豐富嘅忌廉，整成呢個好好食嘅三文治。