天天海南雞飯 (Fashion Walk)

營業中

休息中

收工約左朋友去銅鑼灣食飯，朋友想食海南雞飯，於是係openrice 搵到依間天天海南雞飯，見食評都唔錯，一於入去試下啦.店內裝修比較復古風格，加上燈飾比較昏暗，增添時代感.除左裝橫，餐具茶皿等都有令人去左古代茶棧既感覺.因為太多野想食，揀左一陣都揀唔到食咩，店員就攞介我地食個二人套餐，睇完個餐單覺得幾好，於是就叫左依個套餐.依杯叫雪山葡萄，係另外再叫既，味道不過不失.依兩個前菜分別係爽脆海蜇同辣子金玉.辣子金玉比較特別，第一次食，有啲似避風堂風味，辣得黎幾開胃.涼瓜風涼湯值得推薦，本人平時唔食涼瓜同涼瓜煲既湯，但今次可以飲得晒成碗湯同食埋啲苦瓜，完全食唔出有任何苦澀既感覺.依個原味小籠包都係另外再叫的，正正常常，冇咩特別.最後當然唔少得今晚既主角海南雞飯. 海南雞舊舊都係肉，而且肉質嫩滑，雞皮出奇既簿，食完番唔到轉頭，非常推薦比大家.甜品係豆腐花，但食落口感似燉奶.整體黎講質素唔錯，值得再去食多次！