逸東軒

營業中

休息中

今日下午一點鐘去到，無book位要等一陣，坐喺張勁舒服既梳化度等位幾咁正。好快就有位嘞，即刻睇吓有咩點心食先。剔咗幾樣點心，等男朋友嚟先至俾侍應。心水推介桂花蚌蒸腸粉：其他酒樓好少食得到，第一次食覺得桂花蚌配腸粉又幾夾喎，而且腸粉都算滑，正。金牌酥皮叉燒焗餐包反而一般啦，有d失望。香草紅豆茶果又太甜。原個千層馬拉糕太大個，食唔晒，馬拉糕唔夠鬆軟，麻麻哋。帶子餃又係一般，帶子唔多又唔夠熱。反而送既兩個甜品唔錯，豆腐花有豆味又滑，芋頭西米露幾好食，大大碗，芋頭煲到起沙糖水又唔甜，唔知仲以為要收費添。Toilet夠晒乾淨，侍應服務都幾好，值得一讚。