幸屋

營業中

休息中

星期日約咗妹妹去灣仔行街，行到三點幾就想食下午茶，便去機利臣街幸屋食個套餐。幸屋嘅食物份量夠，味道好，價錢合理，大家都好滿意。我哋叫咗一個黑豚丼，黑豚肉煎到又香又諗，味道非常之合適，份量都唔少，配飯食真係一流，而且又有健康嘅木耳、椰菜，都係我鍾意食嘅配菜。隻糖心蛋整得好有水準，非常之入味，加上佢嘅豉油甜甜地，我哋好快就食完個碗飯啊！！我哋又叫了一個沾麵，濃湯魚介醬油沾麵，醬油和麵分開，將彈牙嘅麵浸落啲醬油度，好掛汁，味道淡淡咁，幾啱我嘅口味。麵上邊仲有一舊肥大叉燒，唔係太鹹，啱我呢啲注重健康嘅人。如果你覺得唔夠鹹你就可以落啲七味粉。麵嘅份量真係好多，如果細食就會食唔晒。我好鍾意佢個小食，和風自家製餃子同埋炸吉列廣島蠔。餃子啱啱做起仲有啲薄脆喺上面，加啲沙律醬，一口氣就食咗四隻。餃子嘅餡亦都好飽滿，味道好夾，真係有驚喜，價錢又唔貴。炸吉列廣島蠔都係大大隻，脆卜卜熱辣辣，真係好好食呀！大家有機會去試吓啦！