FireBird

營業中

休息中

平時中午都有去開銅鑼灣FireBird，但中午冇時間專登食和牛，今日晚上就約咗朋友去呢度食晚飯，當然主打要叫宮崎A4牛肉眼，100克和牛其實真係唔係好多，兩個人食每人分到四件，不過少食多滋味，肉質質地非常嫩😋下次嚟要再食。另，重量級火焰原隻雞腿，賣相就真係冇得輸，點火嗰一下，都唔知原來會噴到咁大火🤪雞都好滑，仲有啲菜加埋一齊食更加好，感覺冇咁熱氣。日本和牛茶漬飯，飯上枱嘅時候好似有啲硬，但將湯倒入啲飯，口感就剛剛好，仲有幾片和牛，都好淋。特飲 Strawberry Yakult Cocktail，賣相好靚，士多啤梨加益力多味，甜甜地👍服務員嘅態度都好好，殷勤有禮，環境都坐得好舒服，好適合夜晚幾個朋友嚟飲嘢食飯。