和氣食堂 (黃大仙中心南館)

營業中

休息中

三點幾入座，因為新年期間冇下午茶供應，所以就嗌咗三個午餐，同埋一個海膽拖羅蝦之戀。首先推介三文魚甜蝦親子丼，有兩隻甜蝦兩件三文魚同一大堆三文魚子。刺身都算新鮮，最鍾意就係佢嘅三文魚子，好甜好好食。另外燒豬頸肉拉麵嘅豬頸肉份量好足，拉麵幾有彈性，豬骨湯底都夠濃。不過，特選鰻魚丼定食剩係得一舊鰻魚，雖然味道唔錯，但係就唔係好夠送飯。跟餐嘅壽司同埋茶碗蒸味道不過不失，冇乜特別。最大問題係佢跟餐嘅三件刺身，非常之淺色，感覺好似擺咗喺雪櫃好耐搞到甩晒色咁，同親子丼入邊嘅三文魚有好大分別。佢嘅海膽拖羅蝦之戀，睇相以為好大份所以要$58 ，但係嚟到個賣相就有啲差，啲三文魚都係好淺色嘅，拖羅有啲乾，冇咩味，唔係咁抵食。如果大家真係黎食嘅話，建議嗌佢嘅丼飯，好味啲又抵食啲。