影片
更多
2020-02-28
546 瀏覽
中環呢間shakeshack，係佢第一間嘅分店。一直都聽人講好好食，所以一定要去試吓。其實我已經唔係第一次嚟，但每次都非常之多人，又要排隊買嘢食又要搵位。所以如果想來朝聖嘅，儘量避開午飯繁忙時間會比較好。Shack Burger ($50)呢個係佢哋最基本嘅漢堡，有單層有雙層嘅。講真個句佢嘅牛肉係幾多肉汁，但係整體來講味道唔算太特別，唔係令我想再試嘅。Shroom Burger ($66)佢呢個炸大蘑菇真係極之好食。咬落去仲係好熱好Juicy，佢炸得一啲都唔乾。但個重點係，佢裏面嗰層芝士，一咬開就爆出嚟，真係好正。鍾意食蘑菇嘅人一定要叫呢個嚟試吓。Cheese fries ($36)佢嘅芝士非常濃郁，薯條又好脆，令我哋食唔停口。Milk Tea Shake ($42)呢個係香港獨有嘅奶昔口味，佢嘅奶茶味真係相當濃滑，奶昔嘅口感好厚好足料，一d都唔似坊間快餐店嗰種水水嘅口感。唯一美中不足嘅地方係佢冇套餐可以叫，所以都係建議同朋友嚟，每人叫啲唔同款嘅小食，就可以試多啲。
Shack Burger ($50)
呢個係佢哋最基本嘅漢堡，有單層有雙層嘅。講真個句佢嘅牛肉係幾多肉汁，但係整體來講味道唔算太特別，唔係令我想再試嘅。
Shroom Burger ($66)
佢呢個炸大蘑菇真係極之好食。咬落去仲係好熱好Juicy，佢炸得一啲都唔乾。但個重點係，佢裏面嗰層芝士，一咬開就爆出嚟，真係好正。鍾意食蘑菇嘅人一定要叫呢個嚟試吓。
Cheese fries ($36)
佢嘅芝士非常濃郁，薯條又好脆，令我哋食唔停口。
Milk Tea Shake ($42)
呢個係香港獨有嘅奶昔口味，佢嘅奶茶味真係相當濃滑，奶昔嘅口感好厚好足料，一d都唔似坊間快餐店嗰種水水嘅口感。
唯一美中不足嘅地方係佢冇套餐可以叫，所以都係建議同朋友嚟，每人叫啲唔同款嘅小食，就可以試多啲。
張貼
