Chatterbox Café (K11 Musea)

營業中

休息中

想食呢間過江龍海南雞，就避免唔到排長龍！不過食好味野系值得等待既。餐廳裝修極具東南亞風格，簡潔不失典雅。招牌文華海南雞飯，差唔多枱枱都會都點一份，加$10可轉雞髀。慢煮雞肉，肉質軟腍保留鮮味，配上辣椒醬、薑蓉和特製雞飯醬油後，層次昇華，更有風味。無骨雞肉嫩滑好正宗，香而不油膩！散發著極吸引人的咸香味。除左雞肉，我都好欣賞佢哋既雞油飯，粒粒香米飽滿，份量適中，空口食都勁多味，稍稍沾上特製雞飯醬油，成件事系完美！配有豆腐湯同沙律，豆腐嫩滑，沙律新鮮，一d都不馬虎。除左招牌海南雞飯，大蝦喇沙都係必食！南洋味十足！非常正宗！濃濃的喇沙湯底已經系成功的關鍵，超級濃椰香味，豆卜，魚腐，大蝦吸收晒湯汁的精華變得更好味。另外黑醬油大蝦炒蘿蔔膏都十分有特色，十分香口，都唔會太咸，值得一試。